<h3 style="text-align: justify;"><span style="font-size: 18pt;">ئه‌ندامێ په‌رله‌مانێ عیراقێ لسه‌ر فراكسیونا پارتى دیمۆكراتى كوردستان دیاركر، ژبه‌ر هه‌بوونا هژماره‌كا هێزێن جۆدا و نه‌یاسایى ل شنگالێ مه‌ترسییه‌كا مه‌زن لسه‌ر خه‌لكێ وێ ده‌ڤه‌رێ هه‌یه.</span></h3> <h3 style="text-align: justify;"><span style="font-size: 18pt;">د.ماجد شنگالى د دیداره‌كێدا بۆ ئاژانسا خانى ئاشكراكر، ژ ئه‌گه‌رێ هێرشێن توركیا لسه‌ر چیایێ شنگالێ و شه‌رێ ڤێ داوییێ دناڤبه‌را له‌شكه‌رێ عیراقێ و یه‌به‌ژێ دا لدووڤ گوتنان نێزیكى 10 هزار كه‌سان جاره‌كا دى ئاواره‌بوون، و ئه‌و هێزا شه‌رێ له‌شكه‌رێ عیراقێ كرى مووچه‌یێ خوه هه‌ر ژ حكومه‌تا عیراقێ وه‌ردگرن و ئه‌ڤه بابه‌ته‌كێ سه‌یره.</span></h3> <h3 style="text-align: justify;"><span style="font-size: 18pt;">گوت ژى: دڤێت عیراق كاره‌كێ رژد بكه‌ت و رێككه‌ڤتنا دگه‌ل هه‌ولێرێ بجهبینیت، و چاره‌یا هه‌ره درووست ئه‌وه كو ماددێ 140 بهێـته بجهئینان و داخازاییێن خه‌لكێ شنگالێ به‌رچاڤ بهێنه وه‌رگرتن، ودڤێت هێزێن چه‌كدار نه‌مینن و بتنێ پولیسێن نافخو شنگالێ برێڤه‌ببه‌ن، داكو ژیانا خه‌لكێ سڤیل بهێته پاراستن.</span></h3> <h3 style="text-align: justify;"><span style="font-size: 18pt;">لداوییێ ماجد شنگالى دیاركر، ئه‌و و هه‌ردووو هه‌ڤالێن خوه یێن په‌رله‌مانتارێن ئێزیدى ل په‌رله‌مانى سه‌ره‌دانا سه‌رۆك وه‌زیرێن عیراقێ مسته‌فا كازمى كرییه و به‌حسا ره‌وشا شنگالێ بو كر، و كازمى گوتییه تا نها ئه‌و نه‌شییایه وه‌كو پێدڤى رێككه‌ڤتنا دگه‌ل هه‌ولێرێ بجهبینیت، لێ سوزدا ئه‌گه‌ر لسه‌ر پوستێ خوه ما وه‌كو سه‌روك وه‌زیران یان هه‌ر پوسته‌كێ دى وه‌رگرت خزمه‌تا خه‌لكێ شنگالێ بكه‌ت.</span></h3>
