زانكویه‌ك دێ ل ئاكرێ هێته‌ ڤه‌كرن

قایمقامێ قه‌زا ئاكرێ مازن محمد بو مالپه‌رێ ( پ،د،ك ) گوت: پشتى گه‌له‌ك بزاڤان ره‌زامه‌ندى بو وێ چه‌ندێ هاتییه‌ دان كو ئاكرێ ببیته‌ خودان زانكویا خوه‌ ژبه‌ركو پارێزگه‌رێ پارێزگه‌ها دهۆكێ ژى پشتگیرییا ڤه‌كرنا زانكویێ دكه‌ت و شانده‌كێ وه‌زاره‌تا خواندنا بلند ژى سه‌ره‌دانا ئاكرێ كر و ئاكرێ مه‌رجێن ڤه‌كرنا زانكویێ تێدا هه‌نه‌.

مازن محه‌مه‌د گوت ژى: نها راپو‌رته‌ك سه‌باره‌ت ڤه‌كرنا زانكویا ئاكرێ هاتییه‌ ئاماده‌كرن وتنێ یاماى بریار ژ جڤاتا وه‌زیران بو بهێته‌ دان و ده‌ست ب ڤه‌كرنا زانكویا ئاكرێ بهێته‌ كرن كو گه‌له‌كا پێدڤى یه‌ و دێ مفایه‌كێ مه‌زن بو ده‌ڤه‌رێ هه‌بیت.

هه‌روه‌سا گوت ژى: ده‌مه‌كێ درێژه‌ بزاڤ بو ڤه‌كرنا زانكویا ئاكرێ دهێنه‌ كرن و بزاڤێن وان سه‌رگرتن و بریاره‌ زانكویا ئاكرێ بهێته‌ ڤه‌كرن.