ئاژانسا فەرمی یا نوچەیێن ئیراقێ بەلاڤکریە، درەنگیا شەڤا بوری چەکدارێن نە نیاس، ل باژێرکێ ئەبی سەیدا ل سنوورێ پارێزگەها دیالە هێرش کرە سەر مالا حازم سرێوی، رێڤەبەرێ پۆلیسێن وی باژێرکی.
ئاژانسا فەرمی یا ئیراقێ ل سەر زارێ پۆلیسێن ئیراقێ ئاماژەکریە، پشتی گەهشتنا هێزا پشتەڤانیێ یا پۆلیسان، شیان هێرشا ل سەر مالا رێڤەبەرێ پۆلیسان ل وى باژێرکی ژناڤببەن و چەکداران نەچاری رەڤینێ بکەن، بێی کو چ زیانێن گیانی هەبن.
هەر چەندە باژێرکێ ئەبی سەیدا ئێکە ژ دەڤەرێن گەلەک ئاریشێن عەشائیری یێن دیالە، بەلێ تا نوکە چ لایەنان بەرپرسایەتیا هێرشێ ب ستویێ خوڤە نە گرتیە، حکومەتا ئیراقێ ژی چ گرۆپ و لایەنەک ب گومانا هێرشێ تۆمەتبار نەکریە.
