<h2 style="text-align: justify;"><span style="font-size: 18pt;">تایا خوینبه‌ربونێ، نه‌خوشیه‌كا ڤایروسى یا هاوبه‌شه دناڤبه‌را مرۆڤ و گیانه‌وه‌ران ب ریكا نوژێ بۆ گیانه‌وه‌ران ب ره‌نگه‌كێ سه‌ره‌كى دهێته ڤه‌گوهاستن وژ گیانه‌وه‌رێن مال و كیڤى بو مرۆڤى دهێته ڤه‌گوهاستن و مه‌ترسیێ لسه‌ر ژیانا مروڤى په‌یدا دكه‌ن.</span> <span style="font-size: 18pt;">دامه‌زرێنه‌رێ"مایۆکلینیک" یا ئه‌مریكى راگه‌هاند، ئه‌و ڤایروس ب رێكا نوژێ ژ گیانه‌وه‌ره‌كێ بو گیانه‌وه‌ره‌كێ دى و پاشى بومرۆڤى دهێته ڤه‌گوهاستن ژ ئه‌گه‌رێ به‌رئێككه‌فتنێ یان پاشماوێ توشبوویان یا ب رێكا پێڤه‌دانا نوژی توش دبن، یان هنده‌ك جاران ڤایروس ژ كه‌سه‌كێ بۆ كه‌سه‌كێ دى دهێته ڤه‌گوهاستن.</span> <span style="font-size: 18pt;">لدوڤ گوتنا بسپورێن ڤى بوارى، نیشانێن تایا خوینبه‌ربوونێ ئه‌ڤه‌نه: سه‌رئێش، ئێشانا ملان و زكى، سوربوونا چاڤان و سه‌رێ مل و سنگى، زكچوون و دلرابون و خوینبه‌ربوون ژى دگه‌لدا.</span> <span style="font-size: 18pt;">ب ره‌نگه‌كێ گشتى چ چاره‌سه‌رى بوڤێ نه‌خوشیی نه‌دیتنه، ره‌نگه نه‌خوش هنده‌ك چاره‌سه‌ریێن ده‌مكى وه‌ربگریت وه‌ك شله‌مه‌نى یان هاریكارى بۆ هه‌ناسه‌دانێ و ده‌رمانێن ئازارشكێن. </span> <span style="font-size: 18pt;">باشترین رێك بو خوپاراستن ژ ڤى نه‌خوشیێ خوپاراستنه ژ گیانه‌وه‌رێن بچوك د ژینگه‌ها خودا و بكارئینانا ده‌رمانێن دژى ڤان گیانه‌وه‌رێن بچیك، خو دویرخستن ژ ئاژه‌لان ل وده‌ڤه‌رێن ئه‌ڤ نه‌خوشیه تێدا به‌ربه‌لاڤ، ودیركه‌فتن ژ توشبوویان، و دیركه‌فتن ژ سه‌رژێكرنا گیانه‌وه‌رێن توشبوو یان خوارنا گوشتێ وان، و كارنه‌كرن ل وان جهێن گه‌له‌ك مشك لێ هه‌ین.</span></h2>
