بڕیارە 171رۆفاتێن ئەنفالکریێن ھەرێما کوردستانێ ل بەغدا بھێنە ڤەگەڕاندن بۆ ھەرێمێ و بەرپرسەکێ وەزارەتا کارۆبارێن شەھیدان ژی دبێژیت، ئەڤە دو سالە ھەمى رێکارێن قانوونی و زانستی بۆ ھاتینەکرن و نوکە بەرھەڤی بۆ ڤەگەراندنا وان دھێتەکرن.
عادل سالح، پەیڤدارێ وەزارەتا شەھیدان و ئەنفالکریان بۆ ئاژانسا خانی دیارکر”ئەڤە دو سالە رێکارێن قانوونی و پزیشکی بۆ 171 رۆفاتێن ئەنفالکریێن ھەرێما کوردستانێ ھاتینەکرن و ژبەر ھاتنا ڤایرۆسا کۆرۆنایێ ڤەگەراندنا وان رۆفاتان ژ بەغدا بۆ ھەرێما کوردستانێ پاشکەتیە، ھەتا پشکنین بۆ ھاتینەکرن، نوکە وەزارەت چاڤەڕێی ژڤانێ بەغدایە بۆ ئەنجامدانا رێکەفتنەکێ لدۆر ڤەگەراندنا وان رۆفاتان.
عادل سالح گۆتژی” دەست ب کۆلانا 171 گۆڕێن بکۆم ھاتیەکرن، بەلێ ژڤانێ ڤەگەڕاندنێ دیار نینە، ھەمى رۆفاتێن نوکە ل بەغدا خەلکێ دەڤەرا گەرمیانن و د ھەولا ئەنفالێن سالا 1988ێ ژلایێ رژێما بەعس ھاتینە ئەنفالکرن و پشتی ڤەدیتنا گۆڕێن وان ل بیابانێن عێراقێ ھاتینە ڤەگوھاستن بۆ نۆشداریا داد ل بەغدا.
