هه‌ڤپه‌یمانییا رزگارى یا نیشتیمانى په‌یامه‌ك به‌لاڤكر

ئه‌ڤرۆ دووشه‌مبێ نه‌هى گولانێ 2022ێ، ب به‌رهه‌ڤبوونا سه‌رۆك بارزانى هه‌ڤپه‌یمانییا رزگارى یا نیشتیمانى په‌یامه‌ك سه‌باره‌ت كۆمبوونا ئه‌ڤرۆ یا هه‌ڤپه‌یمانییێ به‌لاڤكر

بناڤێ خودایێ مه‌زن و دلوڤان

وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ

هه‌ڤپه‌یمانییا رزگارى یا نیشتیمانى ب سه‌ر هه‌موو وان هێزێن سیاسیدا یێن كو باوه‌رى ب حكۆمه‌تا زورینه‌ یا نیشتیمانى هه‌ى هاتییه‌ ڤه‌كرن، هه‌ڤپه‌یمانییا رزگارى یا نیشتیمانى لسه‌ر هندێ رێككه‌فتییه‌ كو پێدڤییه‌ جڤاتا نوونه‌ران ژ بۆ به‌رژه‌وه‌ندییا هاولاتییان رولێ خوه‌ د دانانا یاسایان و چاڤدێریكرنا وان دا بگێریت، و دهه‌مان ده‌م دا هه‌ڤپه‌یمانى لسه‌ر بنه‌مایێ وێ ده‌ستپێشخه‌رییا د دانوستاندنان دا روونكرى دانوستاندنێن وێ دگه‌ل لایه‌نێن سه‌ربه‌خو دبه‌رده‌وام بن.