10 کارگه‌هێن نوو دێ ل دھۆکێ هێنه‌ دروست کرن

ئاژانسا خانی ، زنار تۆڤی:

رێڤه‌به‌رێ وه‌به‌رهێنانا دهوكێ بۆ ئاژانسا خانی دیار كر: د كارناما كابینا نوو یا حكومه‌تا هه‌رێما كوردستانێ دا هاتییه‌ ” گرنگییێ ب زێده‌كرنا ژێده‌رێن داهاتى وده‌لیڤێن كاری بهێته‌ دان  و ل سنورێ پارێزگه‌ها دهوكێ لژنه‌كا تایبه‌تمه‌ند هه‌یه‌ ژ نوونه‌رێن هه‌موو لایه‌نێن په‌یوه‌ندیدار پێكهاتیه‌ ب سه‌رپه‌رشتیا پارێزگارێ دهوكێ ”  دوهی دوشه‌مبی كۆمبوونه‌ك هاتییه‌ ئه‌نجامدان و د وێ كۆمبوونێ دا به‌حسێ پێشه‌سازییێ هاتییه‌ كرن و ل هه‌می قه‌زایان ده‌ڤه‌رێن پێشه‌سازى بهێنه‌ دروستكرن و هه‌روه‌سا ل ئاكرێ وبه‌رده‌ره‌ش ژى پیشه‌سازى بهێنه‌ دروستكرن .

كوردو ئیحسان زێده‌تر دیار كر: 10 پرۆژه ژ لایێ گه‌شه‌پێدانا‌ پیشه‌سازی هاتبوونه‌‌ پێشنیار كرن ژ وان ره‌زامه‌ندى ل سه‌ر 9  ژ وان پرۆژان هاتییه‌ دان ب كوژمێ 15 ملیار دیناران و سێ پرۆژه‌ ژلایێ كه‌رتێ وه‌به‌رهێنانێ و پیشه‌سازی ل سنورێ به‌رده‌ره‌ش و رۆڤییا هاتینه‌ پێشكێشكرن ب كۆژمێ 25 ملیۆن دۆلاران ” دێ كارگه‌هه‌كا جگاران و جلوبه‌رگان و كو‌گه‌هێن هه‌لگرتنا به‌رهه‌مێ چاندنێ و خوارنێ و سه‌ربرخانه‌‌ك بۆ مریشكان هێنه‌ ڤه‌كرن ودێ ب ره‌نگه‌كێ نوو و سه‌رده‌مییانه‌ هێته‌ دروستكرن” پشتی ئه‌ڤ كارگه‌هه‌ دكه‌ڤنه‌ د بیاڤێ بجهئینانێ دا دێ ب سه‌دان ده‌لیڤێن كاری بۆ خه‌لكێ پارێزگه‌ها دهۆكێ په‌یدا كه‌ن.