<h2><span style="font-size: 18pt;">لدووڤ زانیاریێن ئاژانسا خانی دەست ب بزاڤان ھاتیە کرن بۆ ئەنجامدانا کۆمبوونێن پەرلەمانی و پەرلەمانتارەکا پارتی ژی دیارکر، چەندین پڕۆژە ھاتینە بەرھەڤکرن و پێدڤی ب کۆمبوونێن پەرلەمانی ھەیە.</span></h2> <h2> <span style="font-size: 18pt;">خەدیجە عومەر مزیری، پەرلەمانتارا فڕاکسیۆنا پارتی بۆ ئاژانسا خانی دیارکر" د وەرزێ نوکە یێ پەرلەمانێ کوردستانێ تنێ ئێك کۆمبوون ھاتیە ئەنجامدان ئەوژی کۆمبوونا ڤەکرنا وەرزێ نویێ پەرلەمانی بوویە و ئەڤە بۆ دەمێ دو ھەیڤانە کۆمبوونێن پەرلەمانی ھاتینە راگرتن، ئەڤێ چەندێ کاریگەری ھەنە لسەر رەوشا ھەرێما کوردستانێ، چونکە کارێ پەرلەمانی بتنێ کاراکرنا کۆمسیۆنا ھەلبژارتنان و پرسا ھەلبژارتنان نینە، بەرۆڤاژی چەندین پڕۆژە ھەنە پێدڤییە پەرلەمان ئەرکێ خۆ یێ چاڤدێریێ و یاسادانانێ رابیت.</span></h2> <h2> <span style="font-size: 18pt;">خەدیجە عومەر مزیری ئاماژەکر" هەمی بزاڤ دھێتەکرن بۆ دەستپێکرنا کۆمبوونێن پەرلەمانی ، بتایبەتی وەک فڕاکسیۆنا پارتی دیموکراتی کوردستان هەمی بزاڤێن خۆ دێ بکارئینین پەرلەمان وەک دەزگەھەکێ گرنگ و ھەلبژارتیێ خەلکێ کوردستانێ ئەرکێ خۆ بڕێڤەببەت و ئەو پڕۆژێن ھاتینە بەرھەڤکرن کار لسەر بھێتەکرن، ژبەرکو ئەم یێ بەرەڤ دوماھیا خۆلا پەرلەمانی دچین.</span></h2>
