سەرۆك بارزانی پێشوازی ل بالیۆزێ بەلجیكا ل عێراقێ کر

ئه‌ڤرۆ شەمبییێ ١٤ ی گولانا ٢٠٢٢ ێ ” ل سەلاحەدین سەرۆك مەسعود بارزانی پێشوازی ل فیلیپ ڤاندین بولك باڵیۆزێ بەلجیكا ل عێراقێ كر.

د دیدارێدا ڕەوشا سیاسییا عێراقێ و گوهۆرینێن ڕێیا پڕۆسا سیاسی و پێنگاڤێن پێكئینانا حكوومەتێ هاتە گەنگەشە کرن.

د پشکەکا دی یا وێ کۆمبوونێدا باڵیۆزێ بەلجیكا سەڕەڕای ئاماژەدان ب ڕۆلێ دیرۆکییێ سەرۆك بارزانی د خەباتا گەلێ كوردستانێدا، سوپاسییا حكوومەتا هەرێما كوردستانێ ژی كر بۆ هەماهەنگی و پەیوەندی یێن دولایەنی د وارێن جودا دا.

هەر د وێ دیدارێدا بیروڕا ل دۆر ڕه‌وشا سووریا و هەروەسا پێدڤییا ئاسایی بوونا ڕەوشا شنگالێ و ڤەگەریانا خەڵكێ شنگالێ بۆ دەڤەرێن وان هاتنە گوتوبێژ کرن.