ل ڤێ پارێزگه‌ها عیراقێ گۆره‌كێ ب كۆم هاته‌ دیتن

ل پارێزگه‌ها نه‌جه‌ف ل باشورێ عیراقێ گۆره‌كێ ب كوم هاته‌ دیتن كو مێژوویا وى دزڤریت بۆ سالا 1990 ێ.

لدووڤ نووچه‌كێ ئاژانسا فرانس پرێس د وى گورێ ب كوم دا هه‌تا نوكه‌ 15 رۆفات ئیناینه‌ ده‌ر .

 عه‌بدوللا ئه‌ل نائى رێڤه‌به‌رێ ده‌زگه‌هێ شه‌هیدان گوت: د ڤى گورى دا پتر ژ 100 روفاتان هه‌نه‌ و ئه‌ڤه‌ ژماره‌كا نێزیككرىیه‌ و دبیت پتر ژى بن لدووڤ وێ تاوانا هاتیه‌ ئه‌نجامدان  و گۆت ژی: مێژوویا ته‌رمان بۆ ده‌مێ سه‌رهه‌لدانا شه‌عبانیه‌ دزڤریت و ب ده‌هان گورێن ب كوم ماینه‌ كو هه‌تا نوكه‌ نه‌هاتینه‌ دیتن.

ده‌ستهه‌لاتدار دبێژن دناڤبه‌را سالێن 1980 ێ بۆ سالا 1991 ێ و ب تایبه‌ت د ده‌مێ شه‌رێ دناڤبه‌را عیراق و ئیرانێ دا پ‌تر ژ ملیۆنه‌كا كه‌سان گیانێ خو ژ ده‌ست دایه‌ و پرانییا وان ل ژێر ده‌ستهه‌لاتا سه‌دام حسێن بێسه‌روشین بووینه‌.