<h2><span style="font-size: 18pt;">پەرلەمانتارەکێ ھەڤپەیمانیا فەتح د داخویانیەکێ دا ئاشکراکر، پارتی و شیعە لسەر پێشنیارەکا چوارچوڤێ شیعی رازیبووینە بۆ پێک ئینانا حوکمەتا ئیراقێ و فڕاکسیۆنا پارتی رەتکر پێشنیارەکا وەسا ھاتبیتەکرن و پارتی لسەر چ پێشنیاران رازینەبوویە.</span></h2> <h2><span style="font-size: 18pt;">ژێدەرەکی ژ فڕاکسیۆنا پارتی ل پەرلەمانێ ئیراقێ بۆ ئاژانسا خانی دیارکر" ئەو زانیاریێن بەحسێ رازیبوونا کوردان دکەن لدۆر پێشنیارا چوارچوڤا ھەماھەنگیا شیعی چ راستی ژ بۆ نینە و ل گۆرەی ئەڤی ژڤانێ ژلایێ سەدر بۆ ھەماھەنگیا شیعی ھاتیە دیارکرن، نەشیاینە کار بۆ پێک ئینانا حکومەتا ئیراقێ بکەن، فڕاکسیۆنا پارتی ژی ئاگەھداری چ پێشنیارەکێ نینە.</span></h2> <h2><span style="font-size: 18pt;">وی ژێدەری گۆت:" پڕۆسا پێکئینانا حوکمەتا ئیراقێ ھەروەکی بەری نوکە مایە، بەلێ پێشبینی دھێتەکرن ل چەند رۆژێن داھاتی بزاڤێن لایەنێن سیاسی بھێنە دەستپێکرن بۆڤێ چەندێ لێکتێگەھشتن ھەبیت دناڤبەرا لایەنێن سیاسی ب مەرەما گەھشتن ب رێکەفتنێ و دەربازکرنا ئیراقێ ژ قۆناغا نوکە تێدا.</span></h2> <h2><span style="font-size: 18pt;">ئەڤرۆ رەفیق سالحی، پەرلەمانتارێ ھەڤپەیمانیا فەتح راگەھاندبوو، پێشنارەک ژلایێ ھەڤپەیمانیا چوارچوڤێ شیعی ھاتیەکرن و کورد و شیعەژی لسەر ئەڤێ پێشنیارێ رازیبووینە.</span></h2>
