دلشاد شه‌هاب: پێدڤییه‌ ل سه‌ر بنه‌مایێ به‌رژه‌وه‌ندییا نیشتیمانى دانوستاندنێ بكه‌ین

دلشاد شه‌هاب ئه‌ندامێ سه‌ركردا‌تییا پارتى دیموكراتى كوردستان و شیره‌تكارێ بلند یێ سه‌رۆكێ هه‌رێما كوردستانێ راگه‌هاند: بزاڤ هه‌نه‌ بۆ كۆمبوونا دناڤبه‌را پارتی دیموكراتى كوردستان و ئێكه‌تى نیشتیمانى كوردستان و هه‌مى لایه‌ن سه‌رۆكاتیا هه‌رێما كوردستانێ وه‌ك چه‌ترا كومكه‌را هه‌میان دبینن .

ئه‌ڤرۆ ئێكشه‌مبی” دلشاد شه‌هاب بۆ میدیایان راگه‌هاند: دانوستاندن ئێكه‌ ژ بنه‌مایێن چه‌سپاندی یێن پارتى و وێ رێكێ ب گرنگترین و سه‌ركه‌فتیترین رێك دزانین.

 سه‌باره‌ت ئێكه‌تیێ ژى گوت راسته‌ كۆمبوون نه‌هاتییه‌ كرن دناڤبه‌را مه‌دا به‌لێ ده‌رگه‌هێ دانوستاندنێ نه‌هاتییه‌ گرتن و مه‌ ئه‌زموونه‌كا درێژ یا كارێ پێكڤه‌ و حكومرانى ود ارێشتنا سیاسه‌تا هه‌رێمێ هه‌یه‌” له‌وما پێدڤییه‌ ل سه‌ر بنه‌مایێ به‌رژه‌وه‌ندییا نیشتیمانى دانوستاندنێ بكه‌ین.

دلشاد شه‌هاب گوت ژى: هه‌ر دانوستاندنه‌كا بهێته‌ كرن پێدڤییه‌ ل سه‌ر بنه‌مایێ به‌رژه‌وه‌ندییا هه‌ڤپشكا نیشتیمانى بیت و ب تنێ د به‌رژه‌وه‌ندییا مه‌ ب تنێ دا نه‌بیت.