<h3 style="text-align: justify;"><span style="font-size: 18pt;">ده‌سته‌یا ده‌ستپاكییێ ل حكومه‌تا هه‌رێما كوردستانێ راپۆرتا خوه یا سێیێ ده‌رباره‌ى بجهئینانا قانونا چاكسازییا هه‌رێما كوردستانێ ئاراسته سه‌رۆكایه‌تییا په‌رله‌مانى كر، لدووڤ ناڤه‌رۆكا راپۆرتێ ژماره‌یه‌كا وه‌زیر، بریكارێن وه‌زیران، راوێژكار و رێڤه‌به‌رێن گشتى ب نه‌قانوونى هاتینه خانه‌نشینكرن.</span></h3> <h3 style="text-align: justify;"><span style="font-size: 18pt;">هه‌روه‌سا راپۆرتا ده‌سته‌یا ده‌ستپاكییێ دیاردكه‌ت، دلیسته‌یا شه‌هیدان دا هژماره‌كا كه‌سان هه‌نه كو ژ هه‌ژى وه‌رگرتنا مووچه‌یێ شه‌هیدان نینن، و هنده‌ك كه‌سێن ده‌وله‌مه‌ند ناڤێن وان د تورا پاراستنا خێزانان دا هه‌نه و مووچه‌ى وه‌ردگرن.</span></h3> <h3 style="text-align: justify;"><span style="font-size: 18pt;">دلایه‌كێ دی یێ راپۆرتا ده‌سته‌یا ده‌ستپاكییێ دا ئاماژه ب دوسه‌یا فه‌رمانبه‌رێن رێكخراوان هاتییه دان، كو كێم و كورییه‌كا مه‌زن تێدایه و پێدڤییه رێنما بۆ بهێنه ده‌ركرن و چاره‌سه‌رییێن گونجاى بۆ بهێنه دیتن.</span></h3> <h3 style="text-align: justify;"><span style="font-size: 18pt;">سه‌باره‌ت بلندكرنا پله‌یێن فه‌رمانبه‌ران دراپۆرتێ دا هاتییه، ژ سالا 2013ێ وه‌ره پله بلندكرنا فه‌رمانبه‌ران هاتییه راگرتن، یا پێدڤى بوو دقانوونێ دا هاتبا چاره‌سه‌ركرن، كو هه‌ر فه‌رمانبه‌ره‌كێ پله‌یا وى ژ ئاستێ وى بلندتربا دڤێت ژێ هاتبا وه‌رگرتن، و هه‌ر فه‌رمانبه‌ره‌كێ ژ هه‌ژى پله بلندكرنێ با یا پێدڤى بوو پێ هاتبا دان.</span></h3> <h3 style="text-align: justify;"><span style="font-size: 18pt;">هه‌روه‌سا به‌حسا مووچه‌یێ خانه‌نشینێن پله بلند دراپۆرتا ده‌سته‌یا ده‌ستپاكییێ دا هاتییه كرن، كو لژنه‌یه‌ك ژ وه‌زاره‌تا دارایى، رێڤه‌به‌رییا گشتى یا خانه‌نشینییێ، داواكارێ گشتى، نوونه‌رێ سه‌رۆكایه‌تییا هه‌رێمێ، وه‌زاره‌تا نافخوه و وه‌زاره‌تا پێشمه‌رگه‌ى هاتییه پێكئینان كو لدووڤ ڤان برگه‌یان ( كار لسه‌ر پله‌یێن بلند و پله‌یێن تایبه‌ت بكه‌ن )</span></h3> <h3 style="text-align: justify;"><span style="font-size: 18pt;">1 – ئه‌وێن بدرووستى پوست هه‌بووین و دقانوونى بووینه مووچه‌یێ وان دێ هێته هه‌مواركرن.</span></h3> <h3 style="text-align: justify;"><span style="font-size: 18pt;">2 – ئه‌وێن ب قانوونى هاتینه خانه‌نشین كرن و چ خزمه‌ت نه‌بووینه، مووچه‌یێ وان دێ هێته برین.</span></h3> <h3 style="text-align: justify;"><span style="font-size: 18pt;">3 – خانه‌نشین هه‌یه ب پله‌یا وه‌زیر هاتییه خانه‌نشینكرن، لێ دراستى دا وه‌زیر نه‌بوویه به‌لكو پێشمه‌رگه بوو، ئه‌ڤ جووره خانه‌نشینه دێ بۆ جڤاتا وه‌زیران هێته ره‌وانه‌كرن داكو رێنمایان بۆ ده‌ربكه‌ن.</span></h3>
