نێچیرڤان بارزانی، سەرۆكێ هەرێما كوردستانێ ب هه‌لكه‌فتا شێست سالییادا دامەزراندنا ئێكه‌تییا مامۆستایێن كوردستانێ ب گه‌رمى پیرۆزباهى ل مامۆستایێن كوردستانێ كر و راگه‌هاند، ڕێز ل ڕۆلێ گرنگ و پیرۆزییا مامۆستایان و بزاڤ و ماندیبوون بۆ فێركرن، پەروەردەكرن و پێگەهاندنا نوكه و داهاتیا كوردستانێ بلند دنرخینم.
سەرۆكێ هەرێما كوردستانێ گۆتژى: بەرپرسیاره‌تی، ئامادەیی و ڕۆلێ مامۆستایان بۆ پەروەردەكرن و پێگەهاندنا تاكى، د ڕۆژێن دژوارێن شۆره‌شێدا جهێ دەستخۆشیێ و پێزانینێ بوون، د بیرهاتنێن دژوار دا، مامۆستایێن دلسۆزێن كوردستانێ بەرگریا هەمى تەحەدیان گرتییە و د ئەركێ پیرۆزێ پەروەردەكرن و فێركرنێدا بەردەوام بوون.
نێچیرڤان بارزانی دیاركر: مامۆستا كلیل و شه‌نگستێ سه‌ركه‌فتنا هه‌ر جڤاكه‌كێ پێشكه‌فتینه و رۆل د پێشڤه‌برنا كه‌لتوور و ئێكدووقه‌بیلكرن و لێبوورین و پێكڤە ژیان هەیە، هه‌روه‌سا مامۆستایێن كوردستانێ شایستەیێ گوزران و ژیانه‌كا باشترن، هەمى پشته‌ڤانى بۆ ماف و داخوازى و شایستان دووپات دكه‌ین.
