پۆلیسێن هه‌ولێرێ: كه‌سه‌ك ژلایێ برایێ خوڤه‌ هاتییه‌ كوشتن

ئه‌ڤرۆ ل هه‌ولێرێ كه‌سه‌ك ژلایێ برایێ خوڤه‌ هاته‌ كوشتن و پۆلیسێن هه‌ولێرێ روونكرنه‌ لدوور ڤێ روودانێ دا.

دروونكرنێ دا هاتییه‌، پشتى رێڤه‌به‌رییا پۆلیسێن پارێزگه‌ها هه‌ولێرێ ل سه‌ر روودانه‌كا كوشتنى ل پیشه‌سازییا باكوور هاتییه‌ ئاگه‌هداركرن، هێزێن وان بۆ ده‌ستپێكرنا ڤه‌كۆلینان گه‌هشتنه‌ جهێ روودانێ.

دڤه‌كۆلینان دا دیاربوو، كو كه‌سه‌ك ب ناڤێ ( ئیبراهیم ج. م ) ل سه‌ر كێشه‌یه‌كا خێزانى ژلایێ برایێ خوڤه‌ ب ناڤێ ( ح. ج. م ) هاتییه‌ كوشتن و خه‌لكێ باژێرێ دهۆكێ نه‌، و ڤه‌كۆلینێن رێڤه‌به‌رییا پولیسێن پارێزگه‌ها هه‌ولێرێ بۆ ده‌سته‌سه‌ركرنا تاوانبارى ده‌ستپێكرینه‌.