<h3 style="text-align: justify;"><span style="font-size: 18pt;">كێمییا باران بارینێ و كێمبوونا ئاڤێ مهترسى ل سهر بهرههمێن چاندنێ یێن سنوورێ پارێزگهها دهۆكێ پهیدا كرییه، ب تایبهتى پتاتێن دهڤهرا رۆڤیا، جۆتیار ژى ب ئاڤا بیران بهرههمێن خوه د درن، لێ دهمێ پێدانا كارهبێ كێم بوویه و تێرا كارێ جۆتیارێن رۆڤیا ناكهت، و رێڤهبهرێ وێ دهڤهرێ دیاركر، ل دهمهكێ نێزیك كارهبا جۆتیاران دێ بیته 24 دهمژمێرى.</span></h3> <h3 style="text-align: justify;"><span style="font-size: 18pt;">رۆژانه سێ دهمژمێرێن كارهبێ ب جۆتیارێن رۆڤیا دهێته دان، و ب ڤان دهمژمێران ئهو نهشێن ئاڤا پێدڤى بۆ بهرههمێن خوه دابین بكهن، هندهك جۆتیاران كوژمێن مهزنێن پارهى ل زهڤییێن خوه مهزاختینه و پتر ژ 20 دونهمێن زهڤییێن خوه پتات لێ چاندینه، و ئهڤ كێمییا ئاڤێ بوویه ئاریشهیهكا مهزن و مهترسى ل سهر بهرههمێ وان پهیداكرییه، كو ئهو رۆژانه ب كێماتى پێدڤى ب 12 دهمژمێرێن كارهبێ نه داكو بهرههمێن وان ژ ناڤ نهچن و تووشى چ زیانان نهبن.</span></h3> <h3 style="text-align: justify;"><span style="font-size: 18pt;">لدووڤ داخویانییێن رێڤهبهرییا ناحییا رۆڤیا، برینا كارهبێ یا دهمكییه و ل دهمهكێ نێزیك كارهبا بۆ جۆتیاران دێ بیته 24 دهمژمێرى.</span></h3> <h3 style="text-align: justify;"></h3> <h3 style="text-align: justify;"></h3>
