ئهڤرۆ سێشهمبى 17ى گولانا 2022ێ ب سهرپهرشتییا سهرۆكێ حكومهتا ههرێما كوردستانێ مهسرور بارزانى كۆمبوونهكا تایبهت لدۆر بابهتێن داهات و خهرجی و كورتئینان و مووچه و گرفتێن دارایى یێن سنوورێ پارێزگههێن سلێمانى و حهلهبجه و ههردو ئیدارێن سهربهخو یێن گهرمیان و راپهرین هاتهكرن.
لدهستپێكا كۆمبوونێ سهرۆكێ حكومهتێ مهسرور بارزانى ئاماژه دا هندێ، كو ئارمانج ژ ڤێ كۆمبوونێ ئهوه میكانیزمهكا گونجایى بۆ چارهسهركرنا گرفتێن دارایى یێن سنوورێ پارێزگههێن سلێمانى و حهلهبجه و ههردو ئیدارهیێن سهربهخو یێن گهرمیان و راپهرین و ب تایبهت كورتئینانا پارهیێ پێدڤى بۆ مووچهیى پهیدا بكهن.
د كۆمبوونێ دا ئهگهرێن كورتئینان و كێشێن دارایى و پێشنیازێن چارهسهركرنێ ب داتا و ژمارهیێن پێدڤى هاتنه دیاركر، و بهرههڤبوویان دووپاتى له وێ چهندێ كر، كو حكومهتا ههرێمى ب ئێك چاڤ تهماشهیى ههموو دهڤهرێن ههرێمێ دكهت و ئهركێ وانه شایستێن دارایى یێن فهرمانبهران ل سهرانسهرى كوردستانێ وهكو ئێك بهێنه دابینكرن، ل دۆر ڤێ چهندێ بریار هاته دان، وهزارهتا دارایى و ئابوورى بۆ پركرنا كورتئینانا پارێ پێدڤى بۆ خهرجی یێن مووچهیى ل پێشییا ههر خهرجییهكا دى بهێته راسپاردن.
ههروهسا دكۆمبوونێ دا بریار هاته دان، لژنهك ژ كهسێن بسپور و شارهزا یێن وهزارهتێن دارایى و ئابوورى و ناڤخو ب ههماههنگییا پارێزگارێن سلێمانىیێ و حهلهبجه و ئیدارێن گهرمیان و راپهرین و ههموو دامهزراندی یێن دارایى و بانكى بهێته پێكئینان و دووڤچوونا راستییان دهربارهیى داهاتێ گشتى بكهن.
