ب خه‌م و كوڤانه‌كا مه‌زن، عیراقێ ب هه‌موو پێكهاتێن خوڤه هوزانڤانه‌كێ مه‌زن و تێكوشه‌ره‌كێ به‌رێز ژ ده‌ستدا.
خودێ ژێ رازى هه‌موو سالێن ژییێ خوه ب شاكارێن ئه‌ده‌بى یێن جوان بۆ خه‌بات و عیراقه‌كا دیمۆكرات و ئازاد بووراند، عیراقه‌ك مافێ گه‌ل و پێكهاتێن وێ تێدا دپاراستى بن.
هوزانڤان ( مزه‌فه‌ر ئه‌لنه‌واب ) دوسته‌كێ نێزیك و دلسوزێ گه‌لێ مه و دوزا ره‌وا بوو، و دهه‌موو سالێن ژییێ خوه‌دا ب توندى به‌رهنگارییا زولم و سته‌م و دكتاتورییێ بوو ل ناڤا عیراقێ و ل غه‌ریبییان.
ژ ده‌ستدانا خودێ ژێ رازى زیانه‌كا مه‌زنه و قه‌ره‌بوو نابیت، مه قامه‌ته‌كا مه‌زنا نیشتیمانى و تێكوشه‌ر ژده‌ستدا، هیڤییا مه ئه‌و بوو لسه‌ر ئه‌ردێ نیشتیمانى گیانێ وى هاتبا راستپاردن نه‌كو ل غه‌ریبییان، خوزى پشتى ژناڤچوونا رژێمێ و تا نها ژى گرنگى پێ هاتبا دان و شوونا سالێن غه‌ریبییێ هاتبا قه‌ره‌بووكرن، نه‌كو بتنێ بۆ پێشوازییا ته‌رمێ وى رێ و ره‌سمێن مه‌زن بهێنه رێكخستن، ئه‌گه‌ر ئه‌و چه‌نده هاتباكرن بێ گومان ئه‌ڤ كاره دابیته په‌ند و وانه‌یه‌ك بۆ رێزگرتن ل كه‌سایه‌تییه‌كا تێكوشه‌ر كو هه‌موو ژیانا خوه بۆ گه‌ل و نیشتیمانى ته‌رخانكرى، هه‌روه‌سا دابیته په‌یامه‌كا نیشتیمانى بۆ هه‌موو داهێنه‌ر و سمبۆلێن عیراقێ دبیاڤێن ئه‌ده‌ب و بیر و زانستى دا
