حكومه‌تا هه‌رێما كوردستانێ ئه‌و قه‌رێن داینه بازرگان و كۆمپانییان، دێ ب رێكا رێڤه‌به‌رییه‌كێ ژێ وه‌رگریت، و 50 مولكێن وه‌زاره‌تا دارایى ل شوونا قه‌رێن وان دێ ژێ هێنه وه‌رگرتن.
وه‌زاره‌تا داد یا حكومه‌تا هه‌رێما كوردستانێ راگه‌هاند، رێڤه‌به‌رییا بجهئینانا دووى یا هه‌ولێرێ ئێكه ژ رێڤه‌به‌رییێن فه‌رمانگه‌ها داد یا سه‌ر ب وه‌زاره‌تا داد ڤه و ل سالا 2020ێ بۆ وه‌رگرتنا قه‌رێن حكومه‌تێ هاتییه دامه‌زراندن.
هه‌روه‌سا دیاركر، كارێ وان ژ وه‌زاره‌تا دارایى و قه‌رێن بانكان ده‌ستپێكرییه و دماوه‌یه‌كێ كێم دا 54 مولك ئێخستینه دسه‌ر ئێك زێده‌كرنێ دا، 50 مولكێن وه‌زاره‌تا دارایى ل شوونا قه‌ران ژێ وه‌رگرتینه و چار ژ وان فرۆتینه و داهات بۆ وه‌زاره‌تا دارایى ڤه‌گه‌راندییه.
ئاماژه دا هندێ ژى، نها 39 مولكێن دى دسه‌ر ئێك زێده‌كرنێ دانه كو خودانێن وان دبه‌رهه‌ڤ نه‌بوون قه‌رێن حكومه‌تێ بده‌ن.
وه‌زاره‌تا داد ئه‌وژى ئاشكراكر، به‌رى نها حكومه‌تێ ب كۆژمه‌یێ 884 ملیار دیناران قه‌ر ل سه‌ر بازرگان و سه‌رمایه‌داران هه‌بوون، و تا نها پتر ژ 10 ملیار دیناران هاتینه ڤه‌گه‌راندن.
