ئهڤرۆ ههردوو مهكتهبێن سیاسى یێن پارتى دیمۆكراتى كوردستان و ئێكهتى نیشتیمانى كوردستان ل ئوفیسا سهرۆكایهتییا ههرێمێ كۆمبوون، و پهیوهندییێن ههردوو لایهنان و رهوشا نها یا عیراقێ و ههرێما كوردستانێ و هاریكارییا ههڤپشك و پێكڤه كاركرن گوتوبێژكرن، و دووپاتى ل هندێ كر كو پشتهڤانییا حكومهتێ بكهن و خوه ژ شهرێ میدیایێ دووربكهن.
دهقێ راگههاندنا ههڤپشك یا مهكتهبێن سیاسى یێن پارتى و ئێكهتییێ.
ئهڤرۆ چارشهمبى 25ى گولانا 2022ێ ل سهرۆكایهتییا ههرێما كوردستانێ، كۆمبوونا ههڤپشك یا ههردوو مهكتهبێن سیاسى یێن پارتى دیمۆكراتى كوردستان و ئێكهتى نیشتیمانى كوردستان هاته برێڤهبرن.
دكۆمبوونێ دا ب ئاشكرایی پهیوهندیێن ههردوو لایهنان و رهوشا نها یا عیراقێ و ههرێما كوردستانێ و زهمینهیا هاریكارییا ههڤپشك و كاركرنا پێكڤه، هاتنه گوتوبێژكرن.
ههردوو لایهنان دووپات كر، پشتى دهستپێشخهری و سهرهدانا سهرۆكێ ههرێما كوردستانێ بهرێز نێچیرڤان بارزانى بۆ باژێرێ سلێمانییێ، دهرفهتهكا باش بۆ دانوستاندن و ئاسایكرن و پێشڤهبرنا پهیوهندییێن دناڤبهرا ههردوو لایهنان دا و كاركرن بۆ ڤهگهراندنا باوهرییێ دناڤبهرا ههردوو لایهنان دا و هاریكارییا دناڤبهرا لایهنێن سیاسى دا ب رێكا لێك تێگههشتن و دانوستاندنێ پهیدابوو.
