حکومەتا هەرێما کوردستانێ دەنگۆیێ رێككه‌فتنا دگه‌ل بریتانیا ده‌رباره‌ی ڤه‌گه‌راندنا ب زۆری یا په‌نابه‌رێن كورد ژ بریتانیا ره‌تكر و راگه‌هاند: حكومه‌تا هه‌رێما كوردستانێ چ رێككه‌فتن دگه‌ل بریتانیا نه‌كرییه بۆ ڤه‌گه‌راندنا وه‌لاتیان ب زۆرى.
د راگه‌هاندنه‌كێدا حکومه‌تا هه‌رێما کوردستانێ دیاركر، د سه‌ره‌دانا فه‌رمى یا سه‌رۆكێ حكومه‌تا هه‌رێما كوردستانێدا، ئه‌و كۆمبوونا دگه‌ل وه‌زیرێ نافخو یێ بریتانیا ب چ شێوه‌كى باس ل ڤه‌گه‌راندنا ب زۆرى یا په‌نابه‌رێن كورد ل بریتانیا نه‌هاتییه‌كرن و چ رێككه‌فتن نه‌هاتینه‌كرن.
حكومه‌تا هه‌رێما كوردستانێ ئاماژه‌كرییه: په‌یوه‌ندیێن شاهنشینا ئێكگرتی یا بریتانیا دگه‌ل هه‌رێما کوردستانێ یا بهێز و دۆستانه‌یه و لسه‌ر بنه‌مایێ هه‌ڤپشك و به‌رژه‌وه‌ندییێن دوو لایه‌نى، ل ڤێره رادگه‌هینین هنده‌ك که‌س و لایه‌نان دڤێت تێكدانێ بکەن و هه‌ستێ وه‌لاتیان پێ بلڤینن بۆ به‌رژه‌وه‌ندیێن خۆ هنده‌ك پرسا بكاردئینن، ره‌تدكه‌ین.
