سه‌رۆك وه‌زیرێن عیراقێ پێشوازى ل زارۆكه‌كێ ئێزیدى كر

ئه‌ڤرۆ پێنجشه‌مبى 26ى گولانا 2022ێ سه‌رۆكێ جڤاتا وه‌زیرێن عیراقێ مسته‌فا كازمى ب به‌رهه‌ڤبوونا سه‌رۆكێ ده‌سته‌یا ئێمناهییا نیشتیمانى حه‌مید ئه‌لشترى پێشوازى ل زارۆكێ ئێزیدى یێ سه‌ركه‌ڤتى خه‌یرى عه‌بدلا و خێزانا وى كر.

كازمى ب خێرهاتنا خه‌یرى و خێزانا وى كر و پیرۆزباهییا وى دخوێندنێ دا كر و گوهدا چیرۆكا وى، كو ئێك ژ وان زارۆكان بوو یێن ژلایێ رێكخراوا تیرۆرى یا داعشێ ڤه‌ هاتییه‌ ره‌ڤاندن و هاتییه‌ نه‌چاركرن كو ببیته‌ ئێك ژ شوونگرێن خه‌لافه‌تێ، لێ هاته‌ ئازاد كرن و ڤه‌گه‌ریا گوندێ خوه‌ ل قه‌زا شنگالێ و جاره‌كا دى تێكه‌لى جڤاكى بوو و ببوو ئێك ژ قوتابییێن سه‌ركه‌ڤتى ل قوتابخانه‌یا خوه‌.

سه‌رۆك وه‌زیرێن عیراقێ ئه‌ڤ زارۆكه‌ ب نموونا زارۆكێن زیره‌ك و سه‌ركه‌ڤتى هژمارت، كو شیا كاودانێن ب زه‌حمه‌ت ده‌ربازبكه‌ت و ره‌ڤاندنا خوه‌ ژلایێ داعشێ ڤه‌ بۆ سه‌ركه‌ڤتنه‌كا مه‌زن ب ڤه‌گوهێزیت، و دووپاتكر كو حكومه‌ت كار بۆ په‌یداكرنا ژێرخانه‌یه‌كا گونجاى بۆ وان زارۆكێن د ده‌ستێن داعشێ دا نالین دكه‌ت.