بریاره ل چەند رۆژێن بهێن پارتی و ئێكه‌تی ل سەر کۆموكا پرسان کۆم ببن و شیره‌تکارێ مەکتەبا سیاسی یا پارتی ژی دبێژیت: ژ بلی کۆمبوونا پارتی و ئێكه‌تییێ کۆمبوونەكا به‌رفره‌هـ دناڤبه‌را ھەموو لایەنان دا دێ هێته ئه‌نجامدان.
عارف روشدی، شیره‌تکارێ مەکتەبا سیاسی پارتی، بۆ ئاژانسا خانی دیار كر: ھەموو کۆمبوونان دێ بەرھەم هه‌بیت، چونکی ئەنجام نەدانا کۆمبوونان و لێک دوورکەفتن” هه‌كه کێشەک ھەبیت ناهێته چارەسەر کرن و دێ ھەر مینیت، بەلێ ده‌مێ کۆمبوون دهێته كرن” بێگومان دێ گه‌هنه ئەنجامه‌كی، ئه‌و کۆمبوونا ل رۆژێن بوری یا دناڤبه‌را مەکتەبا سیاسی یا پارتی و ئێكه‌تییێ دەرئەنجامه‌كێ ئەرێنی ھەبوو” بریار هاتییه دان زنجیرەكا کۆمبوونێن دیتر بهێته كرن، دیارە د ھەر کۆمبوونەكێ دا دانوستاندن ده‌ربارەیی کێشەكێ دھیته كرن، وەک پرسا ھەلبژارتنان و کێشێن ل گەل بەغدا و پالپشتییا حکومەتا ھەرێما کوردستانێ”.
ناڤهاتی گوت ژی: “پلان ئەوە” پشتی کۆمبوونێن پارتی و ئێكه‌تییێ کۆمبوونەكا به‌رفره‌هـ دناڤبه‌را ھەموو لایەنێن سیاسی یێن ھەرێما کوردستانێ بهێنه كرن ل ژێر چەترێ سەرۆکاتییا ھەرێما کوردستانێ”.
عارف روشدی” ئاشكرا كر ژی: “بڕیارە کۆمبوونەكا دیتر دناڤبه‌را پارتی و ئێكه‌تییێ دا بهێته ئەنجامدان و یێ گەشبینیم كو دێ دانوستاندنێن پارتی و ئێكه‌تییێ ئەنجامێن باش هه‌بن، چونکی ھەردو ئالی گەهشتینە وێ باوەریێ پێدڤییه بگەهنە رێککەفتنێ” له‌وما هه‌كه نەگەهنە رێککه‌فتنێ ھەردو لایەن و میللەتێ مه ژی دێ زیان گه‌هیتێ.
