ئێکەم کونفرانسێ ڤەکۆلینێن دەرچوونێ ل زانکویا جیهان – دهۆک هاتە سازكرن

ئەڤرۆ رێکەفتى (1/6/2022) ل ژێر درووشمێ ( دارشتن و پلانەکا رێکخستى، گەهشتن ب ئەنجام و ئارمانجێن پاشەرۆژێ یە ) و ب دەستپێشخەرییا (پرۆفیسورێ هاریکار د.زێرڤان عه‌بدلمحسن ئه‌سعه‌د) سەرۆکێ زانکویا جیهان – دهۆک ئێکەم کونفرانسێ ڤەکولینێن دەرچوونێ یێن قوتابیێن قووناغا چارێ هاتە سازكرن كو ئەو ڤەکولینه‌ ل سەر ئاستێ نیڤدەولەتى ژى هاتینە بەلافکرن.

هەژار عەلی بەرپرسێ راگەهاندنا زانکۆیا جیهان بۆ ئاژانسا خانی راگەهاند، هژمارەکا ڤەکولینێن قوتابیان ب سەرپەرشتییا ماموستایێن هەردوو بەشێن (شیکاریا نەخۆشیان) و (زانستێن کومپیوتەرى) کو ل کونفرانسێ نیڤدەولەتى ل ئەنتالیا ل وەلاتێ تورکیا هاتینە بەلافکرن و گەنگەشەکرن.

ئەوژی گوت، مەرەم ژ سازكرنا کونفرانسێ ئێکێ یێ پرۆژێ ڤەکولینێن دەرچوونێ یێ قوتابیێن قوناغا چارێ، هاندەرەکە بۆ پتر گرنگى دان و پێشڤەبرنا ئالاڤ و ئامرازێن درووستکرنا ڤەکولینێن دەرچوونێ وەکو ئێک ژ پێتڤیێن ب دەستڤەئینانا باوەرناما بەکالوریوسێ لسەر بنەمایەکێ زانستى و ئەکادیمى کو دپاشەرۆژێ دا ببیتە بنیاتەک ژبۆ بەلافکرنا پتر ڤەکولینان و رێ نیشاندەرەک بیت بۆ قوتابیێن حەزا خواندنا بلند (ماستەر و دکتورایێ) ل دۆر شێواز و چه‌وانییا درووستکرنا نامەیێن خوه‌ هه‌یى.