ئه‌ڤرۆ پێنجشه‌مبى 2-6-2022ێ، وه‌زیرێ دارایى و ئابوورى یێ حكومه‌تا هه‌رێمێ ئاوات جه‌ناب نورى ب هه‌ڤالینییا رێڤه‌به‌رێ گشتى یێ دیوانا وه‌زاره‌تێ یاسین واحد، سه‌ره‌دانا ده‌رییێ سنوورى یێ په‌روێزخان كر و دگه‌ل رێڤه‌به‌رێ گشتى یێ په‌روێز خان و سه‌رپه‌رشتێن ئیداره‌یا گه‌رمیان كۆمبوون، و وه‌زیرێ دارایى ب مه‌ره‌ما باشتركرنا لڤینا بازرگانى و زێده‌كرنا داهاتى و كێمكرنا بارگرانییىێ ل سه‌ر وه‌لاتییان چه‌ند بریاره‌ك ده‌ركرن.
- بارێن ترانزێتا كلۆم دێ هێنه‌ڤه‌كرن و بێى سه‌رپه‌رشت هێنه برێڤه‌برن.
- بازرگان دبازاركرنێ دا دئازادن و حسابێن ره‌سیدى دگه‌لدا ناهێنه‌كرن.
- راكرنا ره‌سیدى بۆ هه‌موو وان باران یێن ل ده‌رییێ سنوورى كارێ هاورده دكه‌ن.
- پێداچوون بۆ كێمكرنا باجه‌یا گومركى دێ هێته‌كرن.
- پێداچوون بۆ لێخوشبوونا 202 ماده‌یان كو حكومه‌تا عیراقێ لێخوشبوویه.
- ته‌سریحا گومركى دێ ب تنێ ئێك جار پاره هێته وه‌رگرتن.
- كرێیا بارهه‌لگران ل په‌روێزخان دێ هێته رێكخستن.
- پێداچوون بۆ كرێیا پشكنینا كۆمپانییێن كونترۆلكرنا ده‌ریێن سنوورى دێ هێته‌كرن.
- پێداچوون بۆ پاراستنا به‌رهه‌مێن نافخویى دگه‌ل وه‌زاره‌تێن په‌یوه‌ندیدار دێ هێته‌كرن
- ب راسپارده‌یا وه‌زیرێ دارایى و ئابوورى 200 دونه‌مێن زه‌ڤییان بۆ كوگه‌هێن بازرگانان هاتنه دابینكرن كو ب رێكا وێ 200 ده‌رفه‌تێن كارى بۆ ده‌ڤه‌را گه‌رمیان دێ به‌رده‌ست بن.
