وه‌زیرێ ژینگه‌هـ و سامانێن سرۆشتى یێ دۆمینیكا ژلایێ هه‌ڤاله‌كێ وى یێ نێزیك ڤه هاته كۆشتن.
دوهى رۆژا دووشه‌مبى ( 6/6/2022 ) هۆمێرو فیگێرۆ، په‌یڤدارێ نڤیسینگه‌ها سه‌رۆكایه‌تییا دۆمینیكا دپرێس كۆنفرانسه‌كى دا راگه‌هاند، ئۆرلاندۆ جورج، وه‌زیرێ ژینگه‌هـ و سامانێن سرۆشتى یێ وى وه‌لاتى ژلایێ كه‌سه‌كى ب ناڤێ میگێل كروز د نڤیسینگه‌ها وى ڤه هاته كۆشتن كۆ هه‌ڤاله‌كێ وى یێ گه‌له‌ك نێزیك بوو.
خێزانا ئۆرلاندۆ جورج ژى راگه‌هاند، میگێل كروز هه‌ر ژ زارۆكینیێ هه‌ڤالێ ئورلاندۆى بوو.
ل گوره‌ى زانیارییێن پۆلیسان، ب لایه‌نێ كێم شوینوارێ حه‌فت گوللان ل سه‌ر له‌شێ وى هاتییه دیتن.
