<h2 class="cxmmr5t8 oygrvhab hcukyx3x c1et5uql o9v6fnle ii04i59q"><span style="font-size: 18pt;">ژێدەرەکێ باوهرپێكری تایبهت بۆ ئاژانسا خانی راگههاند، نیازه کونگرێ چاردێ یێ پارتی دیموکراتی کوردستان ل پارێزگەها دهۆکێ بهێتە ئەنجامدان، تایبهتى پشتی پرۆسا پێکئینانا حکومەتا ئیراقی تووشی شکەستنێن لدویڤ ئێكبووی و تا نوكه چ ئاسویێن چارەسەرکرنێ دیارنەبوینه.</span></h2> <h2 dir="auto"><span style="font-size: 18pt;">ههمان ژێدهر دیاركر: دبیت پرۆسا هەلبژاردنێن گشتی ل هەرێما کوردستانێ د دەمێ دیارکریدا نەهێتەکرن، ئهڤ چهنده دێ دەرفەتهكا باش بەرامبەر پارتی پهیداكهت دا کونگرێ خو ئەنجامبدەت.</span></h2> <h2 dir="auto"><span style="font-size: 18pt;">هەروەسا ئهوى ژێدهرى گۆت: بڕیارا ئەنجامدانا کونگرێ د کۆمبوونا جڤاتا سەرکردایەتیا پارتی دایە، نوکە مەکتەبا سیاسی یا مژیلی پێکئینانا لژنهیێن تایبەتە بۆ ئەنجامدانا کونگرهی ددەمێ دیارکریدا.</span></h2> <h2 class="cxmmr5t8 oygrvhab hcukyx3x c1et5uql o9v6fnle ii04i59q"><span style="font-size: 18pt;">دهێتهزانین فازل میرانی، سکتێرێ مەکتەبا سیاسیا پارتی دیموکراتی کوردستان دداخویانیهكێدا بۆ دهزگههێن راگههاندنێ دیارکر؛ پارتی ل بەرە د پایزا ئەڤ سالە دا کونگرێ خۆ یێ چاردێ ئهنجامبدهت و د نوکە دا ئهو یێ ئامادەکاریا بۆ پێکئینانا لژنێن ئامادەکاریێ ژبۆ ئەنجامدانا کونگرهى دكهن.</span></h2>
