<h2><span style="font-size: 18pt;">د راگەهاندنەکێ دا، سامان بەرزنجی، وەزیرێ ساخلەمییا حکومەتا هەرێما کوردستانێ زانیاریان دەربارەی رەوشا بریندارێن هێرشا درونی یا ئەڤ شەڤە بۆ سەر هەولێر- پیرمام دیار دکەت.</span></h2> <h2><span style="font-size: 18pt;">د راگەهاندنەکێ دا وەزیرێ ساخلەمییێ راگەهاند، دگەل ئێکەمین دەمێ دەنگێ ئاگەهـ ژێ بوونا ئەڤ شەڤە، ژمارەکا زوور یا ئامبولانس و تیمێن هەوارچوونێ و نوشدارێن هەوارچوونا هەولێرێ گەهشتنە جهێ روودانێ و ئامادەکاریێن تەمام کرن بۆ هەر ئەگەرەکی.</span></h2> <h2><span style="font-size: 18pt;">سامان بەرزنجی دیارکر، بخوشحالیڤە چ بریندارێن دژوان نەبوون، بتنێ سێ وەلاتیان ب سڤکی برینێن سادە هەبوون و کارێ پێدڤی بۆ چارەسەرییا وان دێ هێتە کرن.</span></h2>
