سهرۆكایهتییا ههرێما كوردستانێ دبهیاننامهیهكێ دا ئیدانهیا هێرشا تیرۆرستى یا سهر رێكا ههولێر و پیرمامێ كر و راگههاند، ئهو دوێ باوهرییێ دانه دووبارهبوونا ئهڤان كریارێن تیرۆرستى زیانێ دگههینته سهقامگیرییا ئاسایش و رهوشا سیاسى یا عیراقێ ب گشتى و خزمهتا دوژمنێن ههرێما كوردستانێ و عیراقێ دكهت.
ب تۆندى ئیدانهیا وێ هێرشا تیرۆرستى دكهین ئهوا ل شهڤا چارشهمبى 8 خزیرانا 2022ێ ل سهرههولێرا پایتهختێ ههرێما كوردستانێ هاتییه كرن و بوویه ئهگهر چهند وهلاتییهكێن سڤیل بریندارببن و چهند ترومبێل ژى تووشى زیانان ببن.
ئهم ل سهرۆكایهتییا ههرێما كوردستانێ دوێ باوهرییێ داینه كو دووبارهبوونا ئهڤان كریارێن تیرۆرستى، دێ زیانێ گههینته سهقامگێرییا ئاسایش و رهوشا سیاسى یا عیراقێ ب گشتى و دهڤهرێ و خزمهتا دوژمنێن ههرێما كوردستانێ و عیراقێ كهت.
سهرۆكایهتییا ههرێما كوردستانێ وهكو ههموو جاران پشتهڤانییا وێ چهندێ دكهت كو ههماههنگى و هاریكارییهكا پتر دناڤبهرا دهزگههێن ئێمناهییێ یێن ههرێما كوردستانێ و عیراقا فیدرال دا بۆ دهستنیشانكرنا ئهوان كهس و لایهنێن دهست دڤان هێرشان دا ههی بهێتهكرن، ههروهسا داخوازێ ژ لایهنێن پهیوهندیدارێن عیراقێ و كۆمهلگهها نێڤدهولهتى دكهین، پێنگاڤێن جددى بۆ رێگرتنا دووبارهبوونا ئهڤان جوره هێرشان پاڤێن كو دێ كارتێكرنهكا مهزن بۆ سهقامگێرییا دهڤهرێ ب گشتى ههبیت.
