ئهڤرۆ پێنجشهمبى 9ى خزیرانا 2022ێ سهرۆكێ ههرێما كوردستانێ نێچیرڤان بارزانى پێشوازى ل شاندهكێ كۆمیتهیا دوستایهتییا فرهنسا – عیراقێ ل پهرلهمانێ فرهنسا ب سهرۆكایهتییا خانم نیكۆل نورانتۆن و هژمارهكا ئهندامێن كۆمیتهیێ و كونسلێ گشتى یێ فرهنسا ل ههرێما كوردستانێ كر.
د دیدارهكێ دا شاندێ مێڤان پشتهڤانییا فرهنسا بۆ ههرێما كوردستانێ و عیراقێ دووپاتكر، و رێز و پێزانینێن خوه بۆ قۆربانییێن پێشمهرگهى و رۆلێ وان دشكاندنا داعشێ دا دیاركر، ههروهسا دووپات كر كو فرهنسا دوستایهتییا خوه دگهل عیراق و ههرێما كوردستانێ بلند دنرخینیت و هیڤییا وان ئهوه دههموو بیاڤان دا پهیوهندییێن خوه دگهل عیراقێ و ههرێمێ پێشبێخیت.
ژلایێ خۆڤه سهرۆك نێچیرڤان بارزانى، سوپاسى و پێزانینێن ههرێما كوردستانێ بۆ پشتهڤانییا سهربازى و مرۆڤایهتى و سیاسى یا فرهنسا ل ههرێما كوردستانێ و عیراقێ دووپاتكرن و خوشحالییا خوه بۆ سهرهدانا وى شاندى بۆ ههرێما كوردستانێ نیشاندا، ههروهسا ئاماژى دا دوستایهتى و پهیوهندییێن دێرینێن دناڤبهرا ههرێما كوردستانێ و فرهنسا دا.
ل دۆر رهوشا عیراقێ ژى، سهرۆك نێچیرڤان بارزانى داكۆكى ل هندێ كر كو چارهسهركرنا كێشهیێن دناڤبهرا ههولێر و بهغدا دا، كلیلكا چارهسهركرنا كێشهیێن عیراقێ یه و ئاماژه ب گرنگییا رۆلێ كۆمهلگهها نێڤدهولهتى و فرهنسا ب تایبهتى دهاریكاریكرنا عیراقێ دا بۆ چارهسهركرنا كێشهیان كر.
داوى پێشهاتێن پرۆسهیا سیاسى یا عیراقێ، رهوشا دهڤهرا شنگالێ و دهڤهرێن مادهیێ 140 یێ دهستوورى، مهترسییا تیرۆرێ، گهفێن داعشێ، رهوشا سووریایێ و وێ دهڤهرێ ب گشتى و چهند تهوهرێن دى د دیدارا واندا هاتنه گوتوبێژكرن.
