“پێگەھێ کوردستانێ و سەرکردایەتی و گەلێ وێ، پێگەھەکێ مەزن و دیرۆکی بوو بۆ گەلێ مە ل نەینەوا”
حەسەن عەلاف، جێگرێ پارێزگارێ مووسلێ د سالڤەگەرا داگیرکرنا مووسلێدا ژلایێ تیرۆرستێن داعشێ و ئاوارەبوونا خەلکێ وێ بەرەف کوردستانێ پەیامەک ل ژێر ناڤێ “سوپاس کوردستان” بەلاڤکریە و تێدا دبێژیت:
د هەشتەمین سالڤەگەرا کەڤتنا مووسلێدا، کو کەڤتبوو دەستێن زۆردارێن داعشێ و ھەمی لاپەرێن وان یێن ل بیرا مە، بەلێ من دڤێت بێژم:
سوپاس بۆ کوردستانێ
سوپاسییەکا دلسۆزانە بۆ گەلێ کوردستانێ و سەرکردایەتییا وێ، دێ ل ھزرا خەلکێ خوە ئینم کو چەندین کەسێن ل سەر ئاخ و مالێن خوە ژ ھۆڤاتییێن داعشێ رەڤین، ھەرێما کوردستانێ ب دلسۆزی د ھەمبێزا خوە دا پێشوازی لێکرن.
ژ ھزرا من ناچیت ل وی دەمی کاک سەرۆک “مەسعود بارزانی” ب چاڤێن تژی رۆندکڤە گۆتی: عەرەب کەس و کارێن منن و ئەو مێھڤانێن منن، رێکێ نادەین زیان بگەھیتە کەس ژ وان.
ئەز ب ھەمی دلسۆزییا خوەڤە دبێژم: پێگەھێ کوردستانێ و سەرکردایەتی و گەلێ وێ، پێگەھەکێ مەزن و دیرۆکی بوو بۆ گەلێ مە ل نەینەوا ب گشتی و بۆ خەلکێ مووسلێ ب تایبەتی.
ئەڤ ھەلوێستە ھەردەم دێ ل ھزرا نەڤییێن مە بیت.
حەسەن عەلاف
جێگرێ پارێزگارێ نەینەوا
10/6/ 2022
