ب فەرمانا مەسرور بارزانی رێڤه‌بەرییێن گشتی یێن چاندنێ دێ ل ئیدارێن سەربەخۆ هێنه‌ ڤه‌كرن

فه‌رمانگه‌ها میدیا و زانیاری یا حكومه‌تا هه‌رێما كوردستانێ به‌لاڤكر” ب فه‌رمانا مه‌سرور بارزانى سه‌رۆكێ حكومه‌تا هه‌رێما كوردستانێ دێ رێڤه‌به‌ریا گشتى یا چاندنێ ل ئیدارێن سه‌ربه‌خۆ یێن سۆران و زاخۆ و راپه‌رین هێنه‌ ڤه‌كرن .

هه‌روه‌سا گۆتییه‌: د كڤانێ گرنگیدانا كابینا نه‌هێ یا حكومه‌تا هه‌رێما كوردستانێ ب كه‌رتێ چاندن و ژێده‌رێن ئاڤێ و لبه‌رچاڤ وه‌گرتنا به‌رژه‌وه‌ندییا گشتى یا وه‌لاتییان و ئاسانكارى و ده‌ربازكرنا كارێن وه‌لاتییان ل پارێزگه‌هـ و ئیدارێن سه‌ربه‌خۆ سه‌روكێ حكومه‌تا هه‌رێما كوردستانێ بریاره‌كا گرنگ دایه‌ .

دیار كرییه‌ ژى: بۆ پتر گرنگیدان ب كه‌رتێ چاندنێ و ب فه‌رمانا مه‌سرور بارزانى سه‌رۆكێ حكومه‌تا هه‌رێما كوردستانێ  دێ رێڤه‌به‌رییا گشتى یا چاندنێ ل ئیدارێن سه‌ربه‌خۆ یێن سۆران و زاخۆ و راپه‌رین ل سه‌ر میلاكێ وه‌زاره‌تا چاندنێ و ژێده‌رێن ئاڤێ هێنه‌ ڤه‌كرن.