لژنا ده‌ڤه‌رێن کوردستانی دێ سەره‌دانا خانەقینێ كه‌ت

ئاژانسا خانی ” تایبه‌ت:

جوان رۆژبه‌یانى سه‌رۆكا لژنا ده‌ڤه‌رین كوردستانی بۆ ئاژانسا خانى دیار كر: بریاره ل‌ حه‌فتییا بهێت لژنا ده‌ڤه‌رێن كوردستانی سه‌ره‌دانا ده‌ڤه‌را خانه‌قین بكه‌ت و مه‌ره‌م ژسه‌ره‌دانا وان‌ بۆ خانه‌قینێ ئه‌وه‌” ئه‌ڤه‌ ده‌مه‌كه‌‌ ل وی سنورى ته‌عریبه‌كا مه‌ترسیدار ده‌ست پێكرییه‌ وگه‌فێن مه‌زن و مه‌ترسیدار ل سه‌ر گوندێن كوردان ل ده‌وروبه‌رێن خانه‌قینێ هه‌یه‌ و كورد دهێنه‌ نه‌چاركرن كو جهێن خۆ چول بكه‌ن.

 سه‌رۆكا لژنا ده‌ڤه‌رێن كوردستانى گوت ژى: ژماره‌كا گوندێن كوردان ژ ئه‌گه‌رێ پرۆسا عه‌ره‌بكرنێ ل سنورێ خانه‌قین هاتینه‌ چولكرن و پشكه‌كا دى ژى مه‌ترسی لسه‌ره‌ .

 جوان رۆژبه‌یانى ئاشكرا كر ژی: ل حه‌فتییا بهێت ل خانه‌قینێ دێ دووڤچون ل سه‌ر وان مه‌ترسیان هێته‌ كرن یێن كو لسه‌ر كوردان هه‌ین‌ و دێ راپۆرته‌كێ ده‌رباره‌یى ته‌عریبێ ل خانه‌قینێ‌ ئاماده‌ كه‌ین و دێ پێشكێشی سه‌رۆكاتیا په‌رله‌مانێ كوردستانێ هێته‌ كرن داكو چاره‌یه‌ك بۆ نه‌هێلانا ته‌عریبێ ل سنورێ قه‌زا خانه‌قین بهێته‌ دیتن.