ب فەرمانا مەسرور بارزانی 9 ھزار شوقە دێ ھێنە تەمام کرن

ئاژانسا خانی ” تایبەت:

بەرپرسەکێ وەزارەتا ئاڤه‌دانکرن و ئاکنجیکرنێ ئاشکرا کر، ب فەرمانا سەرۆکێ حوکمەتا ھەرێما کوردستانێ 9 ھزار شوقێن وەزارەتا ئاڤاکرنێ دێ ھێنە تەمام کرن و ل سەر وەلاتیان دێ ھێنە بەلاڤکرن.

مەریوان مەلا حەسەن، پەیڤدارێ وەزارەتا ئاڤاکرنێ بۆ ئاژانسا خانی دیارکر” بەری چەند سالان وەزارەتا ئاڤه‌دانکرن و ئاکنجیکرنێ دەست ب ئاڤاکرنا 9 ھزار شوقەیان کربوو، بەلێ ژبەر قەیرانا دارایی تەمام کرنا وان شوقان گیروبوویە و نوکە وەزارەت مژوولی تەمام کرنا وان پڕۆژانە و ھندەک ژوان د قۆناغێن دووماھییێ دانە، سەرۆکێ حوکمەتا ھەرێما کوردستانێ بڕیار دایە لەز بھێتە کرن بۆ تەمام کرنا وان.

مەریوان مەلا حەسەن گۆت ژی” ئەو شوقە پشتی تەمام بوونێ دێ ل سەر خەلکێ ھەژار و فەرمانبەرێن حوکمەتا ھەرێما کوردستانێ ھێنە بەلاڤکرن”ك و ل پرانییا ل باژێڕ و قەزایێن ھەرێما کوردستانێ ھەنە، بەلێ ھەتا ب تەمامی نەھێنە بجهئینان ناھێنە بەلاڤکرن.