<h3 style="text-align: justify;"><span style="font-size: 18pt;">ئه‌ڤرۆ چارشه‌مبى 15 خزیرانا 2022ێ جڤاتا وه‌زیرێن هه‌رێما كوردستانێ ب سه‌رپه‌رشتییا سه‌رۆكێ حكومه‌تێ مه‌سرور بارزانى و جێگرێ وى كۆمبوو.</span></h3> <h3 style="text-align: justify;"><span style="font-size: 18pt;">دكۆمبوونێ دا راپۆرتا تیما هه‌ڤپشك یا چاڤدێرییا دارایى ل دوور ئه‌نجامێن سه‌ره‌دانا شاندێ هه‌رێما كوردستانێ بۆ دیوانا چاڤدێرییا دارایى یا فیدرال ژلایێ وه‌زیرێ هه‌رێمێ بۆ كاروبارێن دانوستاندنێن دگه‌ل حكومه‌تا عیراقێ خالد شوانى ڤه هاته خواندن، و جڤاتا وه‌زیران هه‌لویستێ خوه بۆ به‌رده‌وامبوونا دانوستاندنان دگه‌ل حكومه‌تا عیراقێ ل دوور چاره‌سه‌ركرنا كێشه‌یێن هه‌لاویستى یێن دناڤبه‌را هه‌ولێر و به‌غدا دا دووپاتكر، و تیما قانوونى یا جڤاتا وه‌زیران هاته راسپاردن كو رێكارێن پێدڤى بۆ پاراستنا مافێن ده‌ستووری و شایسته‌یێن دارایى یێن هه‌رێما كوردستانێ د ده‌ستوورێ عیراقێ دا ده‌ست پێبكه‌ن.</span></h3> <h3 style="text-align: justify;"><span style="font-size: 18pt;">ژلایه‌كێ دیڤه جڤاتا وه‌زیران پێشنیازا درێژكرنا ماوێ لێخوشبوونا قه‌رێن وه‌لاتییان ب رێژه‌یا 15% بۆ ده‌مێ 90 رۆژا په‌سه‌ندكر، كو دێ بیته دووماهى جار بهێته درێژكرن و وه‌لاتى بشێن مفاى ژ ڤێ ئاسانكارییێ ببینن.</span></h3> <h3 style="text-align: justify;"><span style="font-size: 18pt;">ل دووماهییا كۆمبوونێ، سه‌رۆكێ جڤاتا وه‌زیران مه‌سرور بارزانى وه‌زاره‌تا سامانێن سرۆشتى و لایه‌نێن په‌یوه‌ندیدرا راسپاردن كو ب زووترین ده‌م كێشه‌یا گرانبوونا بهایێ به‌نزینێ چاره بكه‌ن، و دڤێت ئینانا به‌نزینێ ل دووڤ رێنمایێن رێ پێداى بیت.</span></h3>
