وەزیرێ دارایی یێ عیراقێ: هنارتنا 200 ملیار دیناران بۆ هەرێما کوردستانێ یا بەردەوام نابیت

وەزیرێ دارایی یێ عیراقێ دیار كر: هه‌كه‌ حکومەتا هەرێما كوردستانێ ل گەل وه‌زاره‌تا نه‌فتێ یا حکومەتا فیدرالی رێکنه‌كه‌ڤیت، د یاسایا بۆدجه‌یی دا پشك نابیت” ب بریارا دادگەها فیدرالی یا عیراقێ تایبه‌ت ب یاسایا نه‌فت و گازا هه‌رێما كوردستانێ رێکێ ب حكومه‌تا عیراقێ ناده‌ت پشکا هەرێما كوردستانێ د یاسایا بودجێ گشتی دا ته‌رخان بكه‌ت.

ئه‌ڤرۆ شه‌مبییێ” 18 ی خزیرانا 2022 ێ” عەلی عەلاوی د بەرسڤا پرسیارەکێ دا دەربارەیی هنارتنا 200 ملیار دینارێن هەرێما کوردستانێ دا و گۆت: د بۆدجێن به‌ری نوكه‌ دا برگەک هەبوو کو ٪12 یا خەرجیێن هەرێما کوردستانێ ب خۆڤە دگرت، ب وی مەرجی هەرێما کوردستانێ داهاتێ نه‌فتا خۆ رادەست بکەت، لێ ئەو رێککەفتنە نەهاتە بجهئینان. پاشی ئەو بابەتە ب رێککەفتەکا دەمکی د ناڤبەرا هەولێر و بەغدا دا هاتە گوهۆرین و هەیڤانە 200 ملیار دینار بۆ هەرێما كوردستانێ دهاتنە هنارتن، لێ ئەڤ هنارتنە یا بەردەوام نابیت.

ناڤهاتی ئاشكرا كر ژی: د بۆدجێ 2021 ێ ” دا مەرجەک هاتییە دانان کو پێدڤییە حکومەتا هەرێما کوردستانێ هنارتنا نه‌فتێ رادەستی سۆمۆ بکەت یان پارێ یەکسان ب رێژا وێ نه‌فتێ رادەست بکەت، ئەو ژی نەهاتە کرن و ژ بەر ڤێ چه‌ندێ پارە بۆ هەرێما کوردستان وەک شایستە د بۆدجه‌یی دا نابیت.

وەزیرێ دارایی یێ عیراقێ گۆت ژی،”پێشتر دەمێ عیراقێ پارە بۆ هەرێمێ د هنارت، دانوستاندن ل سەر وی بنەمایی بوون کو نه‌فت مولکێ حکومەتا هەرێما کوردستانێیە و مافێ بەرهەمئینانێ هەبوو، لێ نوکە بابەت جۆدا یە” نوکە بابەتێ مولکیەتا کێلگەهێن پەترۆلا هەرێما کوردستانێ یا سەرهه‌لدایی، هه‌كه‌ شایستێن دارایی ژی بکەینە د بۆدجەیی دا هەر رێژەک بیت، پشکا دووێ یا کێشێ چارەسەر نابیت کو مولکیەتە، ژ بەرکو لدووڤ بریارا دادگەها فیدرالی، مولکیەتا نه‌فتێ بۆ هەرێما کوردستانێ ناهێتە ڤەگەراندن”.

عەلی عەلاوی وه‌زیرێ نه‌فتا عیراقێ دیار كر ژی:”پێشتر دانپێدانەکا ئاشکرا هەبوو کو ئەو نه‌فته‌ یا حکومەتا هەرێما کوردستانێ یە، لێ نوکە لدووڤ بریارا دادگەها فیدرالی هەرێما کوردستانێ ماف نینە مامەلێ ب نه‌فتێ بکەت، هەر چەندە هەرێما کوردستانێ ب ڤی تشتی رازی نابیت، لێ نوکە بابەت ئەوە کو عیراق خودانا نه‌فتێ یە”.