بڕیاره ل رۆژا چارشه‌مبی 22/6/2022 ێ، په‌رله‌مانێ كوردستانێ كۆم ببیت و چه‌ندین ته‌وه‌ر و پرۆژه یاسایێن گوتۆبێژ بكه‌ت.
ئه‌ڤڕۆ دوشه‌مبی 20/6/2022 ێ، په‌رله‌مانێ كوردستانێ بانگهێشتنامه‌ك ئاڕاسته‌یی هه‌موو ئه‌ندامێن په‌رله‌مانێ كوردستانێ كرییه و تێدا هاتییه، “پشت به‌ستن ب حوكمێ بڕگا (سییێ) ژ مادێ (١١) یێ په‌یڕه‌وێ ناڤخۆ یێ په‌رله‌مانێ كوردستانن ـ عێراقێ، سەرۆکا پەرلەمانێ کوردستانێ، بانگهێشتا هه‌موو ئه‌ندامێن په‌رله‌مانی دكه‌ت بۆ روونشتنا ژماره (٧) یا ئاسایی یا خولا بهاری یا سالا چارێ ژ خولا هه‌لبژارتنێن پێنجێ یا په‌رله‌مانێ كوردستانا عێراقێ، ل ده‌مژمێر (10)ی سپێده‌هییا ڕۆژا چارشەمبی رێككه‌فتی 2022/6/22.
د وێ روونشتنی دا دێ خواندنا دووێ بۆ پێشنیازا یاسایا (بەركاركرنا یاسایا فیدراڵی ئیمزایا ئەلكترۆنی و مامەلێن ئەلكترۆنی یا ژمارە (78) یا سالا 2012 ل هەرێما كوردستانا ـ عێراق)، لدووڤ حوكمێ مادێن (87، 88، 89، 97) ژ په‌یڕه‌وێ ناڤخۆ یێ په‌رله‌مانێ كوردستانێ.
پڕۆژە یاسایا راستڤه‌كرنا ئێكێ یا یاسایا پاراستن و چاككرنا ژینگەهێ ل هەرێما كوردستانا ـ عێراقێ یا ژمارە (8) یا سالا 2008 ێ.
پڕۆژە یاسایا راستڤه‌كری یا ئێكێ یا یاسایا نەفت و گازێ ل هەرێما كوردستانا ـ عێراقێ یا ژمارە (22)یا سالا 2007 ێ.
پڕۆژە یاسایا (دەستەیا بەخشینا باوه‌رییێ ب سازی و پڕۆگرامێن پەروەردێ و خواندنا بلند ل هەرێمی كوردستانا ـ عێراقێ).
پڕۆژە یاسایا (وەزارەتا باژێرڤانی و گەشتوگوزار ل هەرێما كوردستانا ـ عێراقێ).
هه‌روه‌سا روونشتن دێ ل سه‌ر چه‌ندین برگه و بابه‌تێن دیتر ژی هێته كرن.
