ئه‌ڤرۆ سێشه‌مبى 21ى خزیرانا 2022ێ سه‌رۆكێ حكومه‌تا هه‌رێمێ مه‌سرور بارزانى پێشوازى ل شانده‌كێ سه‌ربازى یێ ئه‌مریكا ب سه‌رۆكاتییا جه‌نه‌رال و شیره‌تكارێ مه‌زنێ له‌شكه‌رێ ئه‌مریكا ل عیراقێ كیس فیلیپسى ب هه‌لكه‌ڤتا ب دووماهى هاتنا ئه‌ركێ وى كر.
د دیداره‌كێ دا داوى گهورینێن ره‌وشا ئێمناهى یا عیراقێ و رووبروبوونا تیرۆستێن داعش و تیرۆرێ ب گشتى و گرنگییا پێشڤه‌برنا هه‌ماهه‌نگییا دناڤبه‌را پێشمه‌رگه‌ى و سوپایێ عیراقێ دا گوتوبێژكرن.
سه‌رۆكێ حكومه‌تێ سوپاسییا پشته‌ڤانییا ئه‌مریكا ل هێزێن پێشمه‌رگه‌ى كر و داخوازا سه‌ركه‌ڤتنێ بۆ جه‌نه‌رال فیلیپسى دئه‌ركێن وى یێن بهێن دا بۆ كر.
هه‌روه‌سا مه‌زنه شیره‌تكارێ له‌شكه‌رێ ئه‌مریكا ل عیراقێ، په‌سنا رۆل و بزاڤێن سه‌رۆكێ حكومه‌تا كوردستانێ دپرۆسه‌یا چاكسازییا وه‌زاره‌تا پێشمه‌رگه‌ى دا كر، و دووپاتى ل وێ چه‌ندێ كر كو ئه‌ڤ چاكسازییه ئه‌گه‌ره‌كێ ب هێزه بۆ به‌رده‌وامبوونا هاریكارى و پشته‌ڤانییا هه‌ڤپه‌یمانان ب تایبه‌تى ئه‌مریكا بۆ هێزێن پێشمه‌رگه‌یێ كوردستانێ.
