سه‌در: ئیرانێ چ كارتێكرن ل سه‌ر ڤه‌كێشانا مه‌ ژ په‌رله‌مانى نه‌بوو

رێبه‌رێ ره‌وتا سه‌در موقته‌دا سه‌درى دنووترین په‌یامدا پشتى ڤه‌كێشانا ژ په‌رله‌مانێ عیراقێ دیاركر، كۆمارا ئیسلامى یا ئیرانێ فشار ل سه‌ر چ لایه‌نێن شیعى نه‌كرییه‌، و ئه‌و گوتگوتكێن دبێژن كو ڤه‌كێشانا وان ژبه‌ر گه‌فێن ئیرانێ بوویه‌، دوورن ژ راستییێ.

هه‌روه‌سا دپه‌یاما سه‌درى دا هاتییه‌، ده‌سته‌یه‌ك هه‌یه‌ كو هنده‌ك ب ( لایه‌نێ ئیرانێ ) ناڤ دكه‌ن، پێشلكارییا سیاسى دژى ده‌ستهه‌لاتا دادوه‌رى یا عیراقێ دكه‌ت و بزاڤان دكه‌ت بۆ به‌رژه‌وه‌ندییا خوه‌ ب كاربینیت.

ژلایه‌كێ دیڤه‌ سه‌درى داخوازا هه‌لویسته‌كێ ب وێره‌ك ژ لایه‌نان بۆ چاكسازى و رزگاركرنا نیشتیمانى و دووركه‌فتن ژ فشارێن تایفى كر.