زێده‌ترى 28 کانیکان ل سنوورێ ناحیا دێرەلۆك هشكبووینە

ئەندازیار هێژا عەبدولواحد، رێڤەبەرێ ئاڤدێرییا ل پارێزگەها دهۆكێ د بەرهەڤیێن کونفرانسێ پێشڤەبرنا دێرەلۆک د بوارێ چاندنێدا دیارکر، سال بۆ سالێ ئاڤا سەر ئەرد و ژێر ل هەرێما کوردستانێ بەره‌ف کێمیێ دچیت، زێدەباری دێرەلۆك دەڤەرەکا چیایی یە و یا زەنگینە ب ژێدەرێن ئاڤێ لێ ڤێ هشکەسالیێ کارتێکرن لێکریە.
ئەندازیار هێژا عەبدولواحد گۆت، زێده‌تر ژ 28 کانیکێن ئاڤێ ل سنوورێ ڤێ ناحیێ هشکبووینە و یێن مایی ژی گەلەک کێم بووینە، ژ بەر وێ یەکی ژی ئەم پێدڤی ب پێگهورکێن دیترین وەک چێکرنا سکرێن ئاخێ و مفا وەرگرتن ژ رووبارێ زێ و چەندین رێکێن دیتر بۆ دابیکرنا ئاڤێ بۆ مەرەمێن چاندنێ.