دوهی” 24 خزیرانێ ل زالگەها هەڤپشك ل کۆمالگەها خانەسۆرێ هێزێن یەبەشێ گەنجەکی ژ ترۆمبێلی ژ دەڤ بابێ وی ئینایه خوارێ و رەڤاندییه و هەتا نوكه چ ژ چارەنڤیسێ وی نەهاتییە زانین.
بابێ وی گەنجی تایبەت بۆ ئاژانسا خانی گۆت، کورێ من د ژییێ 25 سالییێ دایه بناڤێ “تەحسین سالح قاسۆ” ” كو دگەل من بوو ل دەمێ ئەم گەهشتین زالگەها هەڤپشك ل خانەسۆرێ هێزێن یەبەشێ ئەو ژ ترۆمبێلێ ئینایه خوار و ل گەل خوە برینه و هەتا نوكە ئەز چ ژ چارەنڤیسێ کورێ خوە نزانم.
ناڤهاتی گۆت ژی: کورێ من دگەل چ ئالیەکی نەبوویە و چ ئاریشە ژی دگەل چ کەسی نەبووینە” لێ وان ژ دەڤ من برییە و گۆته من پشتی دەمژمێرەکا دی دێ کورێ وە زڤرینن لێ ئەڤه پتر ژ 24 دەمژمێران بورین لی هەتا نوكە نەزڤراندینە.
ئه‌و چه‌ند ژی ئاشكرا كر: مە سەرەدانا چەندین بارەگایێن وان کرییە و مە ژ وان خواستییه کورێ مە بزڤرینن لێ هەموویان ژی گۆتییە دێ زڤرینین لێ هێشته به‌رنه‌دایه” له‌وما ئەم داخوازێ ژ هەموو ئالییان دکەم كو کورێ من به‌رده‌ن و ئازاد كه‌ن.
