پێشمەرگەیی رێگری ل ھێزەکا عیراقی کر

ئاژانسا خانی ، تایبەت:

چەند رۆژە بەحسێ لڤینێن ھێزێن عیراقی بۆ داگیرکرنا کێلگەھێن نەفت و غازێ دھێتە کرن و لدووڤ دووڤچوونەکا ئاژانسا خانی، ھەتا نوکە لڤین نەبووینە و ب تنێ ئەڤرۆ ھێزەکا عێراقی ل دەڤەرا گەرمیان دەست ب لڤینان کرییە و بەرەڤ چەمچەمال و ژلایێ ھێزێن پێشمەرگەیی رێگری لێ ھاتییە کرن.

ژێدەرەکێ ئەمنی ل دەڤەرا گەرمیان بۆ ئاژانسا خانی دیارکر” ئەڤرۆ ھێزەکا عێراقی ڤیایە بھێتە دەڤەرەکا نێزیک قەزا چەمچەمال و دیاربوویە ئەڤێ ھێزێن نیەتێن خراپ ھەنە بۆ داگیرکرنا کێلگەھێن نەفت و غازێ ل دەڤەرێ، ئەڤەژی بوویە ئەگەر ھێزێن پێشمەرگەی رێکێ نەدەن ئەو ھێزا عێراقی لڤینان بەرەف ھەرێما کوردستانێ بکەت و رێگری لێھاتیەکرن.

وی ژێدەری گۆت ژی” دگەل زێدەبوونا ھێرشێن لسەر کێلگەھێن نەفت و غازێ ھێزێن عێراقی ژی دەست ب لڤینان کرییە و وەکە دیار نیەتێن وان د باش نینن، لەوما ھێزێن پێشمەرگەیی و پۆلیسێن پاراستنا نەفت و غازێ بەرھەڤیان دکەن بۆ بەرسڤدانا ھەر ھێرشەکێ ئەگەر مەرەم ئەو بیت کێلگەھێن نەفت و غازێ داگیر بکەن.