پارێزگهها دهۆكێ دراگههاندنهكێ دا دیاركر، پارێزگارێ دهۆكێ عهلى تهتهر و حهمید عهلى رێڤهبهرێ كومهلگهها ئیبراهیم خهلیل سهرا لقا نههـ یا پارتى دیمۆكراتى كوردستان ل ئاكرێ كر و ژلایێ بهرپرسێ لقێ سهباح بهیت ئهللا و ئهندامێن لقێ و دهڤهردارێ ئاكرێ مازن سهعید و دهڤهردارێ بهردهرهش ئیسماعیل مستهفایڤه هاتنه پێشوازیكرن.
دكۆمبوونهكێ دا بهحسا پرۆژهیێن حكۆمهتا ههرێمێ ئهوێن ل دهڤهرێ دهێنه بجهئینان و پێدڤییێن خهلكێ ههردوو دهڤهردارییێن ئاكرێ و بهردهرهش ب پرۆژهیێن خومهتگوزارى هاته كرن.
بهرپرسێ لقا نههـ سوپاسییا حكومهتا كوردستاێ و پارێزگارێ دهۆكێ ل دۆر وێ گرنگییا ب دهڤهرێ د دهن كر، و پێدڤییێن فهر یێن خهلكێ سنوورێ لقا نههـ پێشكێشى پارێزگارێ دهۆكێ كرن ب هیڤییا هندێ ل پاشهرۆژهكا نێزیك بهێنه بجهئینان، ب تایبهت تمامكرنا پرۆژهیێ ئاڤێ و دامهزراندنا زانكویهكێ و پشتهڤانیكرنا پێشنیازا وێ چهندێ كو ئاكرێ ببیته ئیدارهیهكا سهربهخۆ.
پارێزگارێ دهۆكێ تهكهزكر كو لڤان رۆژان ژمارهكا پرۆژهیێن نوو دێ ل دهڤهرێ هێنه بجهئینان وپارێ پێدڤى ژى بۆ تمامكرنا وان پرۆژهیێن پار ساڵ ماینه نیڤهرۆ هاتییه بهردهستكرن، و داخواز ژ كۆمپانى و بهلێندهرا كر كو بلهز دهست ب تمامكرنا پرۆژهیێن خوه بكهن و پشتهڤانییا پارێزگههێ بۆ ههر هاریكارییهكێ نیشاندا.
دپرێسكۆنفرانسهكیدا پارێزگارێ دهۆكێ دیاركر، سهرۆكێ حكومهتا ههرێما كوردستانێ رازیبونا خوه دیاركرییه و پاره و سییۆلا پێدڤى بو پرۆژهیان هاتینه دابینكرن و ههموو كۆمپانى و بهلێندهر دشێن ئێكسهر دهست بجهئینانا وان پرۆژان بكهن یێن ل ساڵا بوورى ماینه نیڤهرۆ وههلاویستى .
ههروهسا گوت: وهكو قوناغا ئێكێ ژمارهكا پرۆژهیێن خزمهتگۆزارى یێن نوو و ل دووڤ رێژا ئاكنجیێن ههر دهڤهردارییهكێ دێ هێنه بجهئینان ولڤان رۆژان ب رێكا تهندهران دێ دهست ب وان پرۆژهیان هێته كرن و ژبلى وان گهلهك پرۆژه ب رێكا وهزارهتان ژى دێ هێنه بجهئینان وپشتى وێ دێ دهست ب قوناغا دووێ هێته كرن و ژمارهكا دى یا پرۆژهیێن فهر دێ هێنه چێكرن.
