مه‌سرور بارزانى: پێدڤییه‌ هه‌موو رێكارێن پێدڤى بۆ ده‌سته‌سه‌ركرنا چه‌كێن بێ موله‌ت بهێنه‌ ب كارئینان

سه‌رۆكێ حكومه‌تا هه‌رێما كوردستانێ مه‌سرور بارزانى دپه‌یامه‌كێدا راگه‌هاند، ئه‌و ب شه‌هیدبوونا د. كاوان ئیسماعیل و د. ئدریس حه‌مه‌خان گه‌له‌ك یێ خه‌مباره‌، ژ ده‌ستدانا وان هه‌ردوو ماموستایێن به‌رێز كاره‌ساته‌كا دلته‌زینه‌ و سه‌ره‌خوشییێن خوه‌ ئاراسته‌یى كه‌سوكار و بنه‌مالێن ئه‌وان كرن و هیڤیى خواستن خودایێ مه‌زن جهێن ئه‌وان ل به‌هه‌شتێ شاد بكه‌ت.

هه‌روه‌سا سه‌رۆكێ حكومه‌تێ دپه‌یاما خوه‌دا دیاركر، وه‌زاره‌تا نافخۆ و ده‌زگه‌هێن ئێمناهییێ شیان د ده‌مه‌كێ كێم دا تاوانبارى ده‌سته‌سه‌ر بكه‌ن و راده‌ستى قانوونێ بكه‌ن داكو ب گه‌هیته‌ جزایێ خوه‌، و دڤێت هه‌موو رێكارێن پێدڤى بۆ ژناڤبرنا چه‌كێ بێ موله‌ت و رووبروبوونا تاوانبار و خرابكاران ل هه‌ر پله‌ و ئاسته‌كى دا ب كاربینن. 

ده‌قێ په‌یاما سه‌رۆكێ حكومه‌تێ بۆ هه‌ردوو ماموستایێن زانكۆیا سه‌لاحه‌دین:

ب شه‌هیدبوونا د. كاوانى ئیسماعیل و د. ئدریس حه‌مه‌خانى گه‌له‌ك یێ خه‌مبارم، ژ ده‌ستدانا وان هه‌ردوو ماموستایێن به‌رێز كاره‌ساته‌كا دلته‌زینه‌، سه‌ره‌خوشییێن خوه‌ ئاراسته‌یى كه‌سوكار و بنه‌مالێن ئه‌وان یێن به‌رێز دكه‌م وهه‌ڤپشكێ خه‌ما ئه‌وانم، خودایێ مه‌زن گیانێ ئه‌وان ل به‌هه‌شتێ شاد بكه‌ت.

وه‌زاره‌تا نافخو و ده‌زگه‌هێن ئێمناهییێ شیان د ده‌مه‌كێ كێم دا تاوانبارى ده‌سته‌سه‌ربكه‌ن و راده‌ستى قانوونێ بكه‌ن داكو ب گه‌هیته‌ جزایێ خوه‌، دڤێت وه‌زاره‌تا نافخۆ و ده‌زگه‌هێن ئێمناهییێ هه‌موو رێكارێن پێدڤى بۆ ژناڤبرنا چه‌كێ بێ موله‌ت و رووبروبوونا تاوانبار و خرابكاران ل هه‌ر پله‌ و ئاسته‌كى ب كاربینن. 

مەسرور بارزانی

سەرۆکێ حکومەتا هەرێما کوردستانێ

28ى خزیرانا 2022ێ