ژ ئهگهرێ شههیدبوونا ههرئێك ژ (د. كاوان ئیسماعیل) ڕاگرێ كۆلیژا یاسایێ ل زانكۆیا سهلاحهدین و (د. ئیدریس حهمهخان) مامۆستایێ كۆلیژا ئهندازیارى ههر ل وێ زانكۆیێ، وهزارهتا خواندنا بلند و ڤهكۆلینێن زانستى تازییا وان ل ههموو زانكۆ و سازیێن زانستى ڕاگههاند و چهند بریار ژى دهربارهیی چالاكیێن زانستى ل زانكۆیێن حكومى و نه حكومی ل ههرێما كوردستانێ دهركرن.
ئهڤرۆ ب ئامادهبوونا د. ئارام محهمهد قادر وهزیرێ خواندنا بلند و ڤهكۆلینێت زانستى و بریكارێ وهزارهتێ و ژمارهكا سهرۆك زانكۆ و شیرهتكاران و رێڤهبهرێن سازییێن گشتى و فهرمانبهران، رێوڕهسمێن تازییا ههردو مامۆستایێن زانكۆیا سهلاحهدین برێڤه چوو، تێدا وهزیرێ خواندنا بلند و ڤهكۆلینێن زانستى پهیڤهك پێشكێشكر و ڕاگههاند: ب توندى ئیدانا ڤان جۆرێن دهستدرێژییا دكهین، ژ پێخمهت سهروهرییا یاسایێ و پاراستنا سنوورێ زانكۆیێ دێ ههموو رێكارێن قانوونی گرینه بهر، هیڤیا مه ژى ئهوه ههموو مامۆستا و خواندهڤان پێكڤه د ههماهنگیێ دابن داكو نههێلین ئهڤ جۆره دیارده دناڤ سنوورێ زانكۆیێ دا روو بدهن.
ناڤهاتى گوت ژى: زانكۆ و سازی یێن دیتر ڕاسپاردینه ژبۆ ئینانا خوار یا ئالایێ وهزارهتێ و زانكۆ و سازییێن زانستى بۆ دهمێ سێ رۆژان ل ههرێما كوردستانێ، ڕاگرتنا ههمى چالاكیێن زانستى و ههلكهفت و ئاههنگێن دهرچوونێ ل ههموو زانكۆیێن حكومى و نه حكومى بۆ دهمێ سێ رۆژان.
