دهربارهیى هێرشا ل سهر ههردو مامۆستایێن زانكۆیا سهلاحهدین و گیان ژ دهستدانا وان، سهرۆكاتییا پهرلهمانێ كوردستانێ ڕاگههاندنهك بهلاڤكر و تێدا هاتییه، پێدڤییه ب ههر جۆرهكێ ههبیت چهك ژ ژیانا خهلكێ ئاسایى بهێته دوورخستن و سنۆرهك بۆ ڤان جۆرێ تاوانان بهێته دانان، ههروهسا دهست خوشی ل هێزێن ئێمناهییێ كرییه كو شیان ب بلهزترین دهم تاوانبارى دهستهسهر بكهن.
دهقێ راگههاندنێ:
گهلهك دلگران و خهمباربووین ب گوهـلێبونا نووچهیێ هێرشكرنا ل سهر ههردو ماموستایێن زانكۆیا سهلاحهدین و گیان ژ دهسدانا وان، كو دو كهسایهتیێن زانستی یێن دیاربوون ل ههرێما كوردستانێ.
ئهم ل پهرلهمانێ كوردستانێ، سهرهرایى ههڤخهمییا خۆ یا مهزن بۆ ڤێ روودانا دلتهزین، دووپات دكهین، بزاڤێن پهرلهمانی و حكومهتا ههرێما كوردستانێ ژبۆ دهركرن و رێكخستنا قانوونا قهدهغهكرنا ههلگرتن و بكارئینانا چهكى، پێدڤییه ب ههر جۆرهكێ ههبیت چهك ژ ژیانا خهلكێ ئاسایى بهێته دوورخست و سنۆرهك بۆ ڤان جۆرێ تاوانان بهێته دانان.
دهستخۆشییێ ل هێزێن ئێمناهییێ دكهین، شیان بلهزترین دهم تاوانبارى دهستهسهر بكهن و داخوازێ ژ دادگههێ دكهین لدووڤ قانوونێ توندترین رێكاران بگرن و چ ئاسانكاری بۆ نههێنه كرن، دا نه بنه ئهگهرێ زێدهبوونا ڤان جۆره تاوانان، ئهڤ جۆرێ تاوانا یێ كێمه و بۆ كلتۆرێ مه كارهكێ كرێته، هند رێز ل مامۆستا و زانایان دهاته گرتن كهس نه دشییا سهرێ خۆ ل بهرامبهرى وان بلند بكهت، نهك تهقێ لێ بكهن.
دوباره ههڤخهمییا خوه بۆ شههیدبوونا پ. د. كاوان ئیسماعیلی- راگرێ كۆلیژا یاسایێ و پ.ى.د. ئدریس حهمهخان- مامۆستایێ كۆلیژا ئهندازیارى دووپات دكهین، سهرهخۆشییێن خوه ئاراستهیى كهسوكار و بنهمالا بهرێزان دكهین، ژ خودایێ مهزن دخوازین سهبر و ههدارێ بدهته ههموو لایهنان و ههردوو مامۆستایان ب بههشتا خوه یا بهرین شاد بكهت.
