مه‌سرور بارزانی پێشوازی ل کونسولێ گشتی یێ ئەمریکا ل ھەولێرێ كر

سه‌رۆكێ حكومه‌تا هه‌رێما كوردستانێ، پێشوازی ل‌ کونسولێ گشتی یێ ئەمریکا ل ھەولێرێ كر، كو ب هه‌لكه‌فتا ب دووماهی هاتنا ئه‌ركێن وی ل‌ هه‌رێما كوردستانێ سه‌ره‌دانا سه‌رۆكێ حكومه‌تێ كربوو.

ئەڤرۆ چارشەمبی 29/6/2022، مەسرور بارزانی سەرۆکێ حکومەتا هەرێما کوردستانێ، پێشوازی ل رۆبەرت پالەدینۆ، کونسولێ گشتی یێ ئەمریکا ل هەولێرێ کر.

سەرۆکێ حکومەتا هه‌رێما كوردستانێ، سوپاسییا کونسولێ گشتی یی ئەمریکا کر بۆ کارکرنا وی ژ پێخه‌مه‌ت پێشخستنا پەیوەندی یێن ھەرێما کوردستانێ و ئەمریکا و ھیڤییا سەرکەوتنێ بۆ خواست د ئەرکێ وی یێ داھاتیدا.

کونسولێ گشتی یێ ئەمریکا، پێزانینێن خۆ بۆ پەیوەندی و ھەڤبه‌ندییا بەردەوام یا حکومەتا ھەرێما کوردستانێ ل گەل کونسولخانا وه‌لاتێ وی ل ھەولێرێ دەربری .