نێزیکی 10 ھزار سینگلان فۆرمێن شوقەیان پڕکرینە

ل دووڤ ئامارەکا دەستەیا گشتییا وەبەرهێنانێ، ھەتا نوکە پتری 90 ھزار کەسان فۆرمێن وەرگرتنا شوققه‌یێن کرێداران پێشکێشکرینە و نێزیکی 10 ھزار کەسان سینگلن.

دەستەیا گشتییا وەبەرهێنانێ بۆ ئاژانسا خانی دیارکر،  ھەتا نوکە 90 ھزار و 162 کەسان فۆرمێن شوققه‌یێن کرێداران پێشکێشکرینە، 80 ھزار و 478 خێزانن و 9 ھزار و 675 کەسێن دی سینگلن و ئەو کەسێن یێن پرۆسا ھەڤژینییێ پێک نە ئینای.

گۆران عەوێنەیی، سەرۆکێ کۆمەلا کرێداران بۆ ئاژانسا خانی دیارکر، ژبەر نەبوونا ئامارەکا دروست ھژمارا کرێداران ل ھەرێما کوردستانێ ناھێتە زانین، بەلێ ئاڤاکرنا 20 ھزار یەکەیێن ئاکنجیبوونێ دێ کاریگەری ل سەر ڕەوشا کرێداران ھەبیت و ھژمارەکا زۆر یا کرێداران دێ بنە خودان شوققە.

گۆران عەوێنەیی گۆت ژی: کۆمەلا کرێداران چاڤدێرییا پڕکرنا فۆرمێن کرێداران دکەت و د دەمێ ئاڤاکرن و بەلاڤکرنا شوقەیاندا ژی دێ چاڤدێرییێ کەن، ھەتا زۆرترین ھژمارا کرێکداران ژ وەرگرتنا یەکێن ئاکنجی بوونێ مفاداربن.