‌ئومێد سه‌باح: ده‌رگه‌هێ دانوستاندنان ل گه‌ل به‌غدا یێ ڤه‌كرییه‌

سه‌رۆكێ دیوانا جڤاتا وه‌زیرێن هه‌رێما كوردستانێ راگه‌هاند، سه‌رۆكێ حكومه‌تێ د كۆمبوونا ئه‌ڤرۆ دا یا جڤاتا وه‌زیران دا دووپات كر‌، كو وه‌زاره‌تا ناڤخۆ و جڤاتا ئاسایشێ و هه‌موو لایه‌نێن په‌یوه‌ندیدار راسپاردینه‌ كو ب زووترین ده‌م چه‌كێ بێ مۆله‌ت بهێته‌ قه‌ده‌غه ‌كرن و نابیت چ كه‌س ئێمناهییا خه‌لكى تێكبده‌ن.

ئۆمێد سه‌باحی” گوت ژى: ته‌وه‌ره‌كێ دى یێ سه‌ره‌كی د كۆمبوونا ئه‌ڤرۆ دا، دووماهی پێشهاتێن وان هێرشێن هاتینه‌ كرن‌ ل سه‌ر زه‌ڤیا كۆرمۆر و دانه‌گاز هاتنه‌ گوتوبێژ كرن، به‌حس ل پلانا حكومه‌تا هه‌رێما كوردستانێ یا هنارتنا هێزه‌كا وه‌زاره‌تا پێشمه‌رگه‌یى هاته‌ كرن و هه‌روه‌سا ده‌رگه‌هێ دانوستاندنان دناڤبه‌را هه‌رێما كوردستانێ و حكومه‌تا فیدرال نه‌ هاتینه‌ گرتن، هه‌ر ده‌مه‌كێ به‌غدا دیار بكه‌ت ، حكومه‌تا هه‌رێمێ یا ئاماده‌یه‌ بۆ دانوستاندنان.