سه‌رۆك مسعوود بارزانى، په‌یامه‌كا به‌هیداری و سه‌ره‌خۆشییێ ئاراسته‌یی بنه‌مالا پێشمه‌رگێ كۆمارا مهاباد و هه‌لگرێ مه‌دالییا زێرین( محه‌مه‌دئه‌مین ده‌رگه‌له‌ى) دكه‌ت، و ژ خودایێ مه‌زن دخوازیت جهێ خودێ ژێ رازی ب به‌هشتا خوه یا به‌رین شاد بكه‌ت.
ده‌قێ په‌یاما سه‌رۆك بارزانى:
بناڤێ خودایێ مه‌زن و دلۆڤان
ب مخابنى ڤه نووچه‌یێ وه‌غه‌ركرنا پێشمه‌رگه و خه‌باتكه‌رێ دێرین( محه‌مه‌دئه‌مین فه‌قێ حه‌سه‌ن ده‌رگه‌له‌یی) گه‌هشته مه.
خودێ ژێ رازى محه‌مه‌دئه‌مین فه‌قێ حه‌سه‌ن ده‌رگه‌له‌ی پێشمه‌رگێ كومارا كوردستان ل مهابادێ بوو و هه‌ڤالێ بارزانییێ نه‌مر بوو سۆڤییه‌ت و پێشمه‌رگێ شۆره‌شا ئه‌یلول و هه‌لگرێ مه‌دالییا بارزانییێ نه‌مر بوو، و ژییه‌كێ دوور و درێژ بۆ خه‌بات و كوردایه‌تییێ ته‌رخان كر بوو، ئێك ژ پێشه‌نگێن قاره‌مانی و پێشمه‌رگایه‌تی و خه‌باتكه‌رییێ بوو.
سه‌ره‌خۆشیێن خوه ئاراسته‌یى بنه‌مالا تێكۆشه‌ر یا محه‌مه‌دئه‌مین فه‌قێ حه‌سه‌ن ده‌رگه‌له‌ی و كه‌سوكار و هه‌ڤالێن خودێ ژێ ڕازى و هه‌موو خه‌باتكه‌ر و تێكوشه‌رێن كوردستانێ دكه‌م. ژ خودایێ مه‌زن دخوازم ڕۆحا خودێ ژێ رازی ب به‌هشتا خوه یا به‌رین شاد بكه‌ت و سه‌بر و ئارامییێ ب هه‌موو لایه‌كى بده‌ت.
